సియాటిల్ ఆందోళనలకు ఇండో అమెరికన్ నేతృత్వం

అమెరికాలో మరోసారి జాతివివక్షకు నిరసనగా ఆందోళనలు మొదలయ్యాయి. పోలీసుల దురుసు ప్రవర్తనతో చివరకు ఇద్దరు నల్లజాతీయులు జార్జ్ ఫ్లాయిడ్‍, రేషార్డ్ బ్రూక్స్ ప్రాణాలు కోల్పోయిన ఉదంతంలో నిరసనలు ఎక్కువయ్యాయి. సియాటిల్‍లో జరుగుతున్న బ్లాక్‍లైవ్స్ మ్యాటర్‍ ఆందోళనలకు 46 ఏళ్ల భారతీయ అమెరికన్‍ క్షమా సావంత్‍ నేతృత్వం వహిస్తున్నారు. సియాటెల్‍ డౌన్‍టౌన్‍ నుంచి పోలీసులను తొలగించాలన్న డిమాండ్‍పై ఆమె ఆందోళన చేస్తున్నారు. పుణేలో పుట్టి ముంబైలో చదువుకున్న క్షమా సావంత్‍ అమెరికాలో సాఫ్ట్వేర్‍ ఇంజనీర్‍గా పనిచేశారు. సమాజంలోని ఆర్థిక అసమానతలను గమనించిన తాను ఆర్థిక శాస్త్రాన్ని చదివానని అందులోనే పీహెచ్‍డీ చేశానని ఆమె తెలిపారు. 2006లో సోషలిస్ట్ ఆల్టర్నేటివ్‍లో చేరి 2013లో సిటీ కాన్సిల్‍ ఉమెన్‍గా ఎన్నికయ్యారు.