నాని లైనప్‌లో మరో క్రేజీ ప్రాజెక్ట్

హిట్3(Hit3) తర్వాత నాని(Nani) తన కెరీర్‌ను భారీ సినిమాల‌తో మ‌రింత స్ట్రాంగ్ చేసుకునే విధంగా అడుగులేస్తున్నాడు. ఆల్రెడీ ది ప్యారడైజ్(The Paradise) షూటింగ్‌తో బిజీగా ఉన్న నేచురల్ స్టార్, ఆ తర్వాత డైరెక్ట‌ర్ సుజీత్‌(Sujeeth)తో బ్లడీ రోమియో(Bloody Romeo) చేయనున్నాడనే విష‌యం తెలిసిందే. అయితే సుజీత్ తన నెక్ట్స్ ప్రియారిటీ ఏ సినిమాకు ఇస్తాడన్నదే ఇప్పుడు నాని లైనప్‌ను ప్రభావితం చేయనుంది. అదే సమయంలో వెంకీ అట్లూరి(Venky Atluri) డైరెక్ష‌న్ లో సితార ఎంటర్‌టైన్‌మెంట్స్(Sithara Entertainments) నిర్మించనున్న మరో ప్రతిష్టాత్మక ప్రాజెక్ట్ కూడా నాని కోసం సిద్ధంగా ఉందనే సమాచారం ఆసక్తి పెంచుతోంది.

ప్రస్తుతం ఉన్న ఇండస్ట్రీ టాక్ ప్రకారం సుజీత్ ముందుగా బ్లడీ రోమియో సినిమానే మొద‌లుపెడితే, నాని- వెంకీ అట్లూరి సినిమా కొంత ఆలస్యంగా సెట్స్‌పైకి వెళ్లే అవకాశం ఉంది. కానీ ఒకవేళ సుజీత్ తన ఫోకస్‌ను ఓజీ2(OG2) పైకి మళ్లిస్తే మాత్రం పరిస్థితి పూర్తిగా మారే అవకాశం కనిపిస్తోంది. ఆ సందర్భంలో నాని- వెంకీ అట్లూరి కాంబినేషన్ మూవీ ముందుగానే ప్రారంభమై, బ్లడీ రోమియో కంటే ముందు సెట్స్‌పైకి వెళ్లే అవకాశాలు ఉన్నాయని సినీ వర్గాలు చెబుతున్నాయి. దీంతో నాని ఫ్యాన్స్ రెండు ప్రాజెక్టుల అప్డేట్స్ కోసం ఆసక్తిగా ఎదురుచూస్తున్నారు.

ఏ క్రమంలో సినిమాలు ప్రారంభమైనా నాని లైనప్ మాత్రం ప్రస్తుతం టాలీవుడ్‌లో అత్యంత బలమైనదిగా కనిపిస్తోంది. ది ప్యారడైజ్, సుజీత్ ప్రాజెక్ట్, వెంకీ అట్లూరి సినిమా వంటి వరుస క్రేజీ కాంబినేషన్లతో నాని మార్కెట్‌ను మరింత విస్తరించే ప్రయత్నంలో ఉన్నాడు. ముఖ్యంగా కమర్షియల్‌గా సక్సెస్‌లు అందించిన డైరెక్ట‌ర్ ల‌తో వరుసగా పనిచేయడం ద్వారా పాన్ ఇండియా స్థాయిలో తన స్థాయిని మరింత పెంచుకోవాలనే వ్యూహంతో ముందుకు సాగుతున్నట్లు ఇండస్ట్రీ వర్గాలు విశ్లేషిస్తున్నాయి. దీంతో నాని త‌ర్వాతి రెండు మూడు సంవత్సరాల లైనప్‌పై ఇప్పటికే భారీ అంచనాలు నెలకొన్నాయి.