అమెరికా అధ్యక్ష ఎన్నికల్లో పోటీ చేస్తా … నిక్కీ హేలీ

2024 అమెరికా అధ్యక్ష ఎన్నికల బరిలో నిలుస్తానని ప్రముఖ భారతీయ అమెరికన్‌, రిపబ్లికన్‌ పార్టీ నేత నిక్కీ హెలీ ప్రకటించారు. ఈ నెల 15వ తేదీ నుంచి ఎన్నికల ప్రచారం ప్రారంభిస్తామన్నారు. ఈ వారంలోనే ఇందుకు సంబంధించిన ఒక వీడియోను ఆమె విడుదల చేసే అవకాశం ఉందని తెలిసింది. మాజీ  అధ్యక్షుడు డొనాల్డ్‌ ట్రంప్‌ ఒక్కరే ఇప్పటి వరకు రిపబ్లికన్‌ పార్టీ తరపున అధ్యక్ష బరిలో ఉన్నట్లు ప్రకటించారు. ఎన్నికల ప్రచారాన్ని రెండు నెలల క్రితమే ప్రారంభించారు. తాజా పరిణామంతో తన మాజీ బాస్‌ ట్రంప్‌కు ఆమె ఏకైక ప్రత్యర్థిగా నిలువనున్నారు.  నిక్కీ హెలీ సౌత్‌ కరోలినాకు రెండు పర్యాయలు గవర్నర్‌ గాను, ఐరాసలో అమెరికాలో రాయబారిగాను పని చేశారు. ట్రంప్‌ మళ్లీ అధ్యక్ష పదవికి పోటీ చేసిన పక్షంలో బరిలో ఉండబోనంటూ గతంలో ప్రకటించిన హెలీ మనసు మార్చుకున్నారు.