ఆదర్శ కుటుంబం ప్రమోషన్స్‌కు నాగవంశీ దూరం.. కారణమేంటి?

విక్టరీ వెంకటేష్(venkatesh) హీరోగా త్రివిక్రమ్‌(Trivikram) దర్శకత్వంలో తెరకెక్కిన ఆదర్శ కుటుంబం(aadarsha kutumbam) సినిమాపై ప్రేక్షకుల్లో ఆసక్తి నెలకొంది. ఈ ఇద్దరి కలయికలో వస్తున్న సినిమా కావడంతో రిలీజ్ కు ముందే మంచి అంచనాలు ఏర్పడ్డాయి. అయితే సినిమా ప్రమోషనల్ కార్యక్రమాల్లో నిర్మాత నాగవంశీ(naga vamsi) కొన్ని చోట్ల కనిపించకపోవడం ఇప్పుడు చర్చనీయాంశంగా మారింది. సాధారణంగా తన సినిమాల ప్ర‌మోష‌న్స్ లో యాక్టివ్ గా పాల్గొనే ఆయన ఈసారి కొన్ని ఈవెంట్లకు దూరంగా ఉండటం వెనుక కారణాలేంటన్న ప్రశ్నలు వినిపిస్తున్నాయి.

ఇప్పటికే సినిమా నిర్మాణంలో జరిగిన ఆలస్యంపై డిస్క‌ష‌న్స్, నాగవంశీ గతంలో చేసిన కామెంట్స్ ఆయనను వార్తల్లో నిలిపాయి. దీంతో సినిమా కంటే నిర్మాత చుట్టూనే ఎక్కువ డిస్క‌ష‌న్ జరిగిన‌ పరిస్థితి ఏర్పడింది. ఈ నేపథ్యంలో ప్రమోషన్లలో ఆయన కనిపించకపోవడం వెనుక ఏదైనా స్పెష‌ల్ స్ట్రాట‌జీ ఉందా? సినిమాపై, సినిమాలో ఉన్న మెయిన్ క్యాస్టింగ్ పై ఆడియ‌న్స్ ఫోక‌స్ ను ఉండేలా ప్ర‌మోష‌న్స్ ను ప్లాన్ చేశారా? అనే సందేహాలు వ్యక్తమవుతున్నాయి. అయితే నాగవంశీ ఉద్దేశపూర్వకంగానే ప్రచారానికి దూరంగా ఉంటున్నారా? మేక‌ర్స్ నుంచి అలాంటి సూచనలేమైనా ఉన్నాయా? అన్న అంశాలపై క్లారిటీ లేదు.

మరోవైపు, సినిమా రిలీజ్ కు ముందు ఆడియ‌న్స్ లో ఆసక్తిని పెంచడం, సినిమాలోని ప్రత్యేకతలను ప్రజల్లోకి తీసుకెళ్లడం యూనిట్‌కు కీలకంగా మారింది. ప్రమోషన్లలో ఎవరు కనిపిస్తున్నారు, ఎవరు దూరంగా ఉన్నారనే అంశాల కంటే కథ, నటీనటుల పెర్ఫార్మెన్స్, సినిమాపై ఉన్న అంచనాలే మెయిన్ డిస్క‌ష‌న్ గా మారాలి. మరి ఆదర్శ కుటుంబం టీమ్ ఈ పరిస్థితిని ఎలా అధిగమిస్తుంది? రిలీజ్ టైమ్ కు ఆడియ‌న్స్ దృష్టిని పూర్తిగా సినిమా వైపు మళ్లించగలుగుతుందా? అన్నది ఆసక్తికరంగా మారింది.