బుచ్చిబాబు ప్లాన్ మామూలు కాదు.. పెద్ది పోస్టర్‌తో అంచనాలు ఆకాశంలోకి!

మెగా పవర్ స్టార్ రామ్ చ‌ర‌ణ్(Ram Charan) నటిస్తున్న అత్యంత ప్రతిష్టాత్మక చిత్రం పెద్ది(peddi) నుంచి విడుదలైన తాజా పోస్టర్ సోషల్ మీడియాలో భారీ స్థాయిలో చర్చకు దారితీస్తోంది. డైరెక్ట‌ర్ బుచ్చిబాబు సాన‌(Buchi Babu Sana) రూపొందిస్తున్న ఈ రూరల్ యాక్షన్ డ్రామాలో రామ్ చరణ్ పూర్తిగా కొత్త లుక్‌లో కనిపిస్తూ అభిమానులను ఆకట్టుకున్నారు. భారీ శరీరాకృతి, దట్టమైన గడ్డం, తీవ్రమైన హావభావాలతో కనిపించిన ఆయన పాత్రలోని రౌద్రాన్ని పోస్టర్ స్పష్టంగా చూపించింది. గ్రామీణ నేపథ్యాన్ని ప్రతిబింబించేలా డిజైన్ చేసిన ఈ పోస్టర్‌లో దుమ్ము ఎగిసే వాతావరణం, భుజాలపై రక్తపు మరకలు సినిమాపై ఆసక్తిని మరింత పెంచుతున్నాయి.

ప్రత్యేకంగా రామ్ చరణ్ చేతులు చరుస్తూ కనిపించిన తీరు సోషల్ మీడియాలో వైరల్ అవుతోంది. పోస్టర్‌లో కనిపించిన రైల్వే ట్రాక్ కూడా కథలో కీలకమైన అంశం ఉండబోతుందనే ఊహాగానాలకు కారణమైంది. పెద్ది కోసం బుచ్చిబాబు సానా రూపొందిస్తున్న ప్రపంచం పూర్తిగా రా అండ్ రస్టిక్ టోన్‌లో ఉండబోతుందనే సంకేతాలు ఇప్పటికే స్పష్టమయ్యాయి. గత సినిమాల‌తో పోలిస్తే రామ్ చరణ్ ఈ సినిమాలో పూర్తిగా భిన్నమైన అవతారంలో కనిపించబోతుండటం అభిమానుల్లో భారీ అంచనాలను పెంచుతోంది.

జూన్ 4న గ్రాండ్ థియేట్రికల్ రిలీజ్‌కు సిద్ధమవుతున్న పెద్దిపై ప్రతి ప్రమోషనల్ అప్‌డేట్‌తో అంచనాలు రెట్టింపు అవుతున్నాయి. యాక్షన్, భావోద్వేగాలు, గ్రామీణ నేపథ్యం మేళవింపుతో తెరకెక్కుతున్న ఈ సినిమా పాన్ ఇండియా స్థాయిలో మంచి క్రేజ్‌ను సంపాదిస్తోంది. ముఖ్యంగా పోస్టర్‌లో కనిపించిన తీవ్రత, రామ్ చరణ్ బాడీ లాంగ్వేజ్, పాత్రలోని నేటివిటీ ప్రేక్షకులను బలంగా ఆకర్షిస్తున్నాయి.