బాల‌య్య‌112కు ముహూర్తం ఫిక్స్?

నందమూరి బాలకృష్ణ(nandamuri balakrishna) తన కెరీర్‌లో మరో కీలక మైలురాయిని చేరుకునే దిశగా వేగంగా ముందుకెళ్తున్నారు. ప్రస్తుతం 111(NBK111)వ సినిమాతో బిజీగా ఉన్న ఆయన, నెక్ట్స్ ప్రాజెక్ట్‌పై కూడా క్లారిటీ ఇవ్వడం అభిమానుల్లో ఆసక్తిని పెంచుతోంది. డైరెక్ట‌ర్ గోపిచంద్ మలినేని(Gopichand malineni) తెరకెక్కిస్తున్న సినిమా ఇంకా సెట్స్‌పై ఉండగానే, 112వ సినిమాను కొరటాల శివ(Koratala Siva)తో అధికారికంగా ప్రకటించడం ఇండస్ట్రీలో చర్చనీయాంశంగా మారింది. స్టార్ హీరో- కంటెంట్ ఓరియెంటెడ్ డైరెక్ట‌ర్ కలయిక కావడంతో ఈ ప్రాజెక్ట్‌పై అంచనాలు సహజంగానే పెరిగాయి.

తాజా సమాచారం ప్రకారం, ఈ ప్రతిష్టాత్మక ప్రాజెక్ట్‌కు ముహూర్తం తేదీ ఖరారైనట్లు తెలుస్తోంది. మే 9న ఈ సినిమా ప్రారంభోత్సవ కార్యక్రమాలు నిర్వహించేందుకు సన్నాహాలు జరుగుతున్నాయని టాక్ వినిపిస్తోంది. సాధారణంగా బాలకృష్ణ సినిమాలు మాస్ ఎలిమెంట్స్‌తో ప్రేక్షకులను ఆకట్టుకుంటే, కొరటాల శివ సినిమాలు బలమైన సామాజిక సందేశాలతో ప్రత్యేకతను సంపాదించాయి. ఈ రెండు స్టైల్స్ కలిసినప్పుడు తెరపై ఎలా ప్రతిఫలిస్తాయన్నది ఇప్పుడు ఆసక్తికరంగా మారింది. దీంతో ఈ ప్రాజెక్ట్ కేవలం కమర్షియల్ ఎంటర్‌టైనర్ మాత్రమే కాకుండా కంటెంట్ పరంగా కూడా కొత్తదనం చూపించే అవకాశం ఉందని విశ్లేషకులు భావిస్తున్నారు.

ఇక నిర్మాణ పరంగా కూడా ఈ సినిమా భారీ స్థాయిలో రూపొందనుంది. యువసుధ ఆర్ట్స్, ఎస్‌ఎల్‌వి సినిమాస్ కలిసి ఈ సినిమాను నిర్మిస్తున్నాయి. భారీ బడ్జెట్, టాప్ టెక్నీషియన్స్, స్ట్రాంగ్ కథతో ఈ సినిమా రూపొందనుందని తెలుస్తోంది. ప్రీ ప్రొడక్షన్ వ‌ర్క్స్ ఇప్పటికే ప్రారంభమయ్యాయని సమాచారం. అన్నీ అనుకున్నట్లే జరిగితే, వచ్చే ఏడాదిలో ఈ సినిమాను విడుదల చేసే ప్లాన్‌లో మేకర్స్ ఉన్నారు. మొత్తానికి, బాలయ్య(Balayya)- కొరటాల కాంబినేషన్ ఇండస్ట్రీలో మరో బిగ్ ఈవెంట్‌గా మారే సూచనలు కనిపిస్తున్నాయి.