ప్రధాని మోదీ హైదరాబాద్ పర్యటన … షెడ్యూల్ ఇదే

తెలంగాణ గడ్డపై మరోసారి ప్రధాని నరేంద్ర మోదీ (Narendra Modi) పర్యటనకు ముహూర్తం ఖరారైంది. ఈ నెల 10వ తేదీన (ఆదివారం) ప్రధాని హైదరాబాద్ (Hyderabad) కు రానున్నారు. కేంద్రంలో వరుసగా మూడోసారి అధికార పగ్గాలు చేపట్టిన తర్వాత మోదీ తెలంగాణ (Telangana)కు వస్తుండటం ఇదే తొలిసారి కావడంతో, రాష్ట్ర బీజేపీ శ్రేణులు ఈ పర్యటనను అత్యంత ప్రతిష్ఠాత్మకంగా తీసుకున్నాయి. సుమారు రూ.వేల కోట్ల విలువైన అభివృద్ధి పనులకు శంకుస్థాపనలు చేయడంతో పాటు పరేడ్ గ్రౌండ్స్ (Parade Grounds) వేదికగా నిర్వహించే భారీ బహిరంగ సభలో ఆయన ప్రసంగించనున్నారు.