ఏపీకి భారీ విరాళం

ప్రాణాంతక కరోనా వైరస్‍ వ్యాప్తిని నివారించడానికి ఆంధప్రదేశ్‍ ప్రభుత్వం చేపడుతున్న చర్యలను పలువురు ప్రముఖులు ప్రశంసించారు. ప్రభుత్వ ప్రయత్నాలకు తమ వంతు సాయంగా పెద్ద ఎత్తున విరాళాలు అందిస్తున్నారు. మేఘా ఇంజనీరింగ్‍ అండ్‍ ఇన్‍ఫాస్ట్రక్చర్‍ లిమిటెడ్‍ సంస్థ ముఖ్యమంత్రి సహాయ నిధికి రూ.5 కోట్ల విరాళాన్ని ప్రకటిచింది. దీనికి సంబంధించిన చెక్కును సంస్థ ఎండీ పీవీ కృష్ణారెడ్డి సీఎం క్యాంప్‍ కార్యాలయంలో ముఖ్యమంత్రి వైఎస్‍ జగన్‍మోహన్‍ రెడ్డికి స్వయంగా అందజేశారు. కరోనా వైరస్‍ వ్యాప్తి నివారణకు ఏపీ ప్రభుత్వం చేపడుతున్న చర్యలను ఈ సందర్భంగా కృష్ణారెడ్డి ప్రశంసించారు. యువ ముఖ్యమంత్రి వైఎస్‍ జగన్‍ నాయకత్వంలో ప్రభుత్వం యంత్రాంగం సమర్థవంతంగా పనిచేసి కరోనా మహమ్మారిని కట్టడి చేస్తోందన్నారు.