కేఎల్ డీమ్డ్ టు బి యూనివర్సిటీలో IPE, CBSE, JEE స్కోర్ల ఆధారంగా 2026–27 అడ్మిషన్ల కౌన్సెలింగ్ ప్రారంభం
- Published By: techteam
- May 16, 2026 / 07:38 PM IST
దేశంలోని ప్రముఖ మల్టీడిసిప్లినరీ విద్యాసంస్థలలో ఒకటైన KL Deemed to be University 2026–27 విద్యాసంవత్సరానికి సంబంధించి అడ్మిషన్ల కౌన్సెలింగ్ షెడ్యూల్ను ప్రకటించింది. ఇంటర్మీడియట్ పబ్లిక్ ఎగ్జామినేషన్ (IPE), CBSE మరియు JEE స్కోర్ల ఆధారంగా విద్యార్థులకు అడ్మిషన్లు కల్పించనున్నట్లు యూనివర్సిటీ వెల్లడించింది.
హైదరాబాద్లోని కేఎల్హెచ్ క్యాంపస్లు అజీజ్నగర్, బాచుపల్లి, అలాగే కేఎల్హెచ్ గ్లోబల్ బిజినెస్ స్కూల్, కొండాపూర్లకు సంబంధించిన కౌన్సెలింగ్ మే 17, 18, 19 తేదీల్లో నిర్వహించనున్నారు. విజయవాడ క్యాంపస్కు మే 27, 28, 29 తేదీల్లో కౌన్సెలింగ్ చేపట్టనున్నట్లు అధికారులు తెలిపారు.
ఇంజినీరింగ్, మేనేజ్మెంట్, ఫార్మసీ, ఆర్కిటెక్చర్, అగ్రికల్చర్, లా, సైన్సెస్ అండ్ హ్యూమానిటీస్, కామర్స్, ఫుడ్ టెక్నాలజీ వంటి విభాగాల్లో అండర్గ్రాడ్యుయేట్, పోస్ట్గ్రాడ్యుయేట్ కోర్సులకు అడ్మిషన్లు అందుబాటులో ఉన్నాయని పేర్కొన్నారు.
AI ఆధారిత బోధన విధానాలు, ఇంటర్డిసిప్లినరీ ఎడ్యుకేషన్, ఇన్నోవేషన్ ఆధారిత లెర్నింగ్, ఇండస్ట్రీ ఇంటిగ్రేటెడ్ ట్రైనింగ్ మోడల్స్ ద్వారా భవిష్యత్ ఉద్యోగావకాశాలకు అనుగుణంగా విద్యార్థులను తీర్చిదిద్దుతున్నట్లు యూనివర్సిటీ తెలిపింది.
కేఎల్ ఎంట్రన్స్ ఎగ్జామినేషన్ రాయకపోయిన విద్యార్థులకు కూడా మెరిట్ ఆధారిత అర్హతల ద్వారా అడ్మిషన్ పొందే అవకాశం కల్పిస్తున్నట్లు వెల్లడించింది. అర్హులైన విద్యార్థులకు రూ.100 కోట్ల విలువైన మెరిట్ స్కాలర్షిప్లను అందిస్తున్నట్లు పేర్కొంది.
విద్యార్థుల కెరీర్ అభివృద్ధి కోసం ఇండస్ట్రీ కలాబరేషన్స్, ఇంటర్న్షిప్స్, ఇన్నోవేషన్ ప్లాట్ఫార్మ్స్, ప్లేస్మెంట్ ట్రైనింగ్ కార్యక్రమాలు నిర్వహిస్తున్నట్లు యాజమాన్యం తెలిపింది. ప్రముఖ జాతీయ, అంతర్జాతీయ సంస్థల్లో ఉపాధి అవకాశాలు కల్పించేందుకు ప్రత్యేక కెరీర్ రెడీనెస్ ప్రోగ్రామ్లు అమలు చేస్తున్నట్లు వెల్లడించింది.
ఈ సందర్భంగా అడ్మిషన్స్ డైరెక్టర్ డాక్టర్ జె. శ్రీనివాసరావు మాట్లాడుతూ, “విద్యార్థులు భవిష్యత్ లక్ష్యాలకు అనుగుణంగా సరైన కోర్సును ఎంపిక చేసుకునేందుకు కౌన్సెలింగ్ ప్రక్రియ ఉపయోగపడుతుంది. IPE, CBSE, JEE స్కోర్ల ఆధారంగా పలు ప్రవేశ మార్గాలను అందుబాటులోకి తీసుకువచ్చాం. అకాడమిక్ నాణ్యతతో పాటు పరిశ్రమల అనుభవం, పరిశోధనాధారిత విద్య, మెరిట్ స్కాలర్షిప్లు, బలమైన కెరీర్ డెవలప్మెంట్ వ్యవస్థ ద్వారా గ్లోబల్ అవకాశాలకు విద్యార్థులను సిద్ధం చేస్తున్నాం” అని పేర్కొన్నారు.
కౌన్సెలింగ్కు హాజరయ్యే విద్యార్థులు, తల్లిదండ్రులకు కోర్సుల ఎంపిక, స్కాలర్షిప్లు, అకాడమిక్ మార్గదర్శనం, హాస్టల్ సౌకర్యాలు, క్యాంపస్ ఫెసిలిటీస్, కెరీర్ అవకాశాలపై పూర్తి వివరాలు అందజేయనున్నట్లు యూనివర్సిటీ అధికారులు తెలిపారు.
2026–27 విద్యాసంవత్సరానికి సంబంధించి అన్ని క్యాంపస్లలో అడ్మిషన్లు ప్రస్తుతం కొనసాగుతున్నాయని వెల్లడించారు.
