MATA: తెలుగు వారి ఐక్యతకు వేదిక ‘మాటా’.. ఆస్టిన్లో కొత్త చాప్టర్ లాంచ్!
- Published By: Vishal
- March 8, 2026 / 04:14 PM IST
MATA: మన అమెరికా తెలుగు సంఘం (MATA) ఆధ్వర్యంలో నిర్వహించనున్న ‘మాటా 2వ కన్వెన్షన్-26’ సన్నాహక కార్యక్రమాలు ఊపందుకున్నాయి. ఇందులో భాగంగా టెక్సాస్లోని ఆస్టిన్లో నిర్వహించిన ‘కన్వెన్షన్ కిక్కాఫ్’, ‘ఆస్టిన్ చాప్టర్ లాంచ్’ వేడుకలు అత్యంత ఉత్సాహంగా సాగాయి.
వేదిక: ఈ కార్యక్రమం మార్చి 7, శనివారం సాయంత్రం 6 గంటలకు సెడార్ పార్క్లోని ‘నాగాస్ ఇండియన్ క్యూజిన్’ (Naga’s Indian Cuisine) వేదికగా జరిగింది.
కన్వెన్షన్ వివరాలు: రాబోయే జూన్ 19 – 20, 2026 తేదీల్లో గ్రేటర్ ఫిలడెల్ఫియా ఎక్స్పో సెంటర్లో మాటా 2వ మహాసభలను నిర్వహించనున్నట్లు నిర్వాహకులు ప్రకటించారు.
ఆస్టిన్ బృందం: ఆస్టిన్ చాప్టర్ బాధ్యులను ఈ సందర్భంగా పరిచయం చేశారు. శారధి వల్లభజ్యోస్యుల, అను వనకురు, రఘు అర్గుల, బద్రి మాచర్ల ఈ చాప్టర్ ప్రతినిధులుగా వ్యవహరించారు.
ముఖ్య అతిథులు: మాటా ప్రెసిడెంట్ రమణ కిరణ్ దుద్దాగి, కన్వీనర్ శ్రీధర్ గుడాల, కో-కన్వీనర్లు టోనీ జన్ను, దాము గేదెల సహా ఎగ్జిక్యూటివ్ కమిటీ సభ్యులు ఈ కార్యక్రమంలో పాల్గొని కన్వెన్షన్ విజయవంతానికి పిలుపునిచ్చారు.
స్థానిక తెలుగు ప్రజలందరినీ ఏకతాటిపైకి తెస్తూ, మాటా సంస్థ చేపడుతున్న ఈ సేవా, సాంస్కృతిక కార్యక్రమాలు అమెరికాలోని తెలుగు వారిలో కొత్త ఉత్సాహాన్ని నింపుతున్నాయి.
ఇవి కూడా చదవండి
