తిమ్మ‌రాజు ప‌ల్లి టీవీ.. ఓటీటీ రిలీజ్ డేట్ ఫిక్స్

తెలుగు సినీ పరిశ్రమలో ఇటీవల చిన్న సినిమాలు, కొత్త కాన్సెప్ట్‌లతో ప్రేక్షకుల ముందుకు రావడం ఎక్కువైంది. అలాంటి ప్రయత్నాల్లో యంగ్ హీరో కిరణ్ అబ్బవరం(Kiran Abbavaram) నిర్మాతగా ముందుకు తెచ్చిన తిమ్మరాజుపల్లి టీవీ(Thimmaraju palli tv) కూడా ఒకటి. పీరియాడిక్ బ్యాక్‌డ్రాప్‌లో రూపొందిన ఈ సినిమా థియేటర్లలో భారీ విజయాన్ని అందుకోకపోయినా, కథలో ఉన్న నేటివిటీ మరియు గ్రామీణ వాతావరణం కొంతమంది ప్రేక్షకులను ఆకట్టుకుంది. ముఖ్యంగా కొత్త నటీనటులు, కొత్త టెక్నీషియన్స్‌తో సినిమా తెరకెక్కించడం ఇండస్ట్రీలో చర్చనీయాంశమైంది.

సినిమా రిలీజ్ తర్వాత కూడా ఈ ప్రాజెక్ట్‌పై నిర్మాత కిరణ్ అబ్బవరం ప్రత్యేకంగా స్పందించారు. కొత్త టాలెంట్‌కు అవకాశం ఇవ్వడం తనకు సంతృప్తినిచ్చిందని ఆయన పేర్కొన్నట్లు తెలుస్తోంది. ఇప్పుడు ఈ సినిమా ఓటీటీ ప్రేక్షకులను అలరించేందుకు సిద్ధమైంది. ప్రముఖ తెలుగు ఓటీటీ ప్లాట్‌ఫామ్ ఆహా(Aha) ఈ సినిమాకి డిజిటల్ హక్కులను సొంతం చేసుకోగా, తాజాగా స్ట్రీమింగ్ డేట్ ను అధికారికంగా ప్రకటించింది. మే 15 నుంచి ఈ సినిమా ప్రేక్షకులకు అందుబాటులోకి రానుంది.

ఒక గ్రామంలో తొలిసారి టీవీ ప్రవేశించిన తర్వాత అక్కడి ప్రజల జీవితాల్లో చోటుచేసుకున్న మార్పులు, సమస్యలు, వినోదాత్మక సంఘటనల చుట్టూ ఈ కథ సాగుతుంది. విన్టేజ్ వాతావరణంతో రూపొందిన ఈ సినిమాలో సాయి తేజ్, వేద జలంధర్, ప్రదీప్ కొట్టే(Pradeep kotte), స్వాతి కరిమిరెడ్డి(Swathi karimireddy), అమ్మ రమేష్(Amma ramesh), సత్యనారాయణ(Satyanarayana) తదితరులు కీలక పాత్రలు పోషించారు. డైరెక్ట‌ర్ వి మునిరాజు(V Muniraju) ఈ సినిమాను తెరకెక్కించగా, ఆహా గోల్డ్ సభ్యులకు ఒక రోజు ముందుగానే సినిమా వీక్షించే అవకాశం కల్పించడం విశేషంగా మారింది.