Smriti Mandhana: స్మృతి మంధాన వీరవిహారంతో రెండోసారి WPL టైటిల్ కైవసం..

Smriti Mandhana: స్మృతి మంధాన స్ఫూర్తిదాయక పోరాటంతో రాయల్ ఛాలెంజర్స్ బెంగళూరు (RCB) జట్టు చరిత్ర సృష్టించింది. గురువారం వడోదరలో జరిగిన ఉత్కంఠభరిత ఫైనల్ మ్యాచ్‌లో ఢిల్లీ క్యాపిటల్స్‌పై ఆరు వికెట్ల తేడాతో విజయం సాధించి, రెండోసారి మహిళల ప్రీమియర్ లీగ్ (WPL) టైటిల్‌ను కైవసం చేసుకుంది.

ఢిల్లీ భారీ స్కోరు: టాస్ గెలిచి బ్యాటింగ్ చేసిన ఢిల్లీ క్యాపిటల్స్ నిర్ణీత ఓవర్లలో 4 వికెట్ల నష్టానికి 203 పరుగుల భారీ స్కోరు సాధించింది. జెమిమా రోడ్రిగ్స్ (57) అద్భుత అర్ధ సెంచరీతో రాణించగా, చినెల్లే హెన్రీ (35), లారా వోల్వార్డ్ (44 నాటౌట్) మెరుపు ఇన్నింగ్స్ ఆడారు.

మంధాన, వోల్ రికార్డు భాగస్వామ్యం: 204 పరుగుల కఠినమైన లక్ష్యంతో బరిలోకి దిగిన ఆర్‌సిబికి కెప్టెన్ స్మృతి మంధాన అద్భుత ఆరంభాన్ని ఇచ్చింది. మంధాన కేవలం 41 బంతుల్లోనే 87 పరుగులు (23 బంతుల్లోనే హాఫ్ సెంచరీ) చేసి జట్టును గెలుపు దిశగా నడిపించింది. మరోవైపు జార్జియా వోల్ (79 పరుగులు) తన కెప్టెన్‌కు చక్కని సహకారం అందిస్తూ రెండో వికెట్‌కు 165 పరుగుల భారీ భాగస్వామ్యాన్ని నెలకొల్పింది.

చారిత్రాత్మక విజయం: WPL,  IPL ఫైనల్స్ చరిత్రలోనే అత్యధిక లక్ష్యాన్ని ఛేదించిన జట్టుగా ఆర్‌సిబి రికార్డు సృష్టించింది. చివరి నిమిషంలో కొన్ని వికెట్లు పడినా, ఆర్‌సిబి మరో రెండు బంతులు మిగిలి ఉండగానే విజయాన్ని అందుకుంది. ఈ గెలుపుతో ముంబై ఇండియన్స్‌తో సమానంగా రెండుసార్లు టైటిల్ గెలిచిన జట్టుగా ఆర్‌సిబి నిలిచింది.