Telangana: కవిత కొత్త పార్టీ.. ఏప్రిల్ 25న ముహూర్తం ఖరారు!
- Published By: Vishal
- March 27, 2026 / 03:56 PM IST
Kavitha: తెలంగాణ రాజకీయాల్లో మరో కీలక పరిణామం చోటుచేసుకుంది. తెలంగాణ జాగృతి అధ్యక్షురాలు కవిత సొంతంగా నూతన రాజకీయ పార్టీని స్థాపించబోతున్నట్లు అధికారికంగా ప్రకటించారు. ఏప్రిల్ 25వ తేదీన మేడ్చల్ జిల్లా మునీరాబాద్ వేదికగా భారీ బహిరంగ సభను నిర్వహించి పార్టీ పేరు , జెండాను ఆవిష్కరించనున్నట్లు ఆమె వెల్లడించారు.
కీలక అంశాలు:
వేదిక , సమయం: ఏప్రిల్ 25న ఉదయం 10 గంటలకు మునీరాబాద్లో ఏర్పాటు చేసే ప్రత్యేక సమావేశంలో పార్టీ విధివిధానాలను ప్రకటించనున్నారు.
ఇవి కూడా చదవండి
యువత, మహిళలకే ప్రాధాన్యం: తన పార్టీలో మహిళలకు, యువతకు అత్యున్నత స్థానం ఉంటుందని కవిత స్పష్టం చేశారు. పురుషుల నేతృత్వంలోని పార్టీలను ఇప్పటివరకు చూశారని, ఒక తెలంగాణ ఆడబిడ్డగా తాను స్థాపించే పార్టీ భిన్నంగా ఉంటుందని ఆమె ధీమా వ్యక్తం చేశారు.
నూతన ఆశయం: తెలంగాణ రాజకీయాల్లో కొత్త గొంతుకను వినిపించేందుకు, ముఖ్యంగా అణగారిన వర్గాల గళం అయ్యేందుకు ఈ పార్టీని ఏర్పాటు చేస్తున్నట్లు ఆమె సంకేతాలిచ్చారు.
పార్టీ స్థాపన ప్రకటనతో రాష్ట్ర రాజకీయాల్లో ఒక్కసారిగా వేడి పెరిగింది. కవిత పార్టీ పేరు , జెండా ఎలా ఉండబోతుందనే దానిపై ఇప్పుడు అందరిలోనూ ఆసక్తి నెలకొంది.
ఇవి కూడా చదవండి
