కోస్టార్ల నుంచి ఏమేం నేర్చుకుందో చెప్పిన భాగ్యశ్రీ
- Published By: Sravani
- May 14, 2026 / 07:15 PM IST
మరాఠీ భామ భాగ్యశ్రీ బోర్సే(Bhagya sri borse) టాలీవుడ్లో తనకంటూ ప్రత్యేక స్థానం సంపాదించుకునేందుకు వేగంగా అడుగులు వేస్తోంది. గ్లామర్తో పాటు నటనకు ప్రాధాన్యత ఉన్న పాత్రలను ఎంచుకుంటూ ముందుకు సాగుతున్న ఈ యంగ్ హీరోయిన్, తొలి సినిమాతో భారీ విజయాన్ని అందుకోకపోయినా దర్శక నిర్మాతల దృష్టిని మాత్రం ఆకర్షించగలిగింది. ముఖ్యంగా ఆమె స్క్రీన్ ప్రెజెన్స్, డ్యాన్స్లు, కెమెరా ముందు కనిపించే కాన్ఫిడెన్స్ వల్ల వరుస అవకాశాలు దక్కుతున్నాయి. ప్రస్తుతం యంగ్ స్టార్ హీరోల సినిమాల్లో భాగమవుతూ టాలీవుడ్లో తన మార్కెట్ను పెంచుకునే ప్రయత్నంలో ఉంది. ఇండస్ట్రీ వర్గాల్లో కూడా భాగ్యశ్రీ పేరు ఇప్పుడు తరచూ వినిపించడం ఆసక్తికరంగా మారింది.
ఇటీవల ఒక ఇంటర్వ్యూలో భాగ్యశ్రీ తన కోస్టార్స్ గురించి చెప్పిన వ్యాఖ్యలు సోషల్ మీడియాలో వైరల్ అవుతున్నాయి. రవితేజ(Ravi teja)తో పనిచేసిన అనుభవం తనకు సెట్స్లో ఎనర్జీ అంటే ఏమిటో నేర్పిందని ఆమె తెలిపింది. విజయ్ దేవరకొండ(Vijay devarakonda) సినిమాపై చూపించే కమిట్మెంట్, ప్రతి సీన్ను పర్ఫెక్ట్గా చేయాలనే తపన తనను బాగా ప్రభావితం చేసిందని చెప్పింది. అలాగే రామ్ పోతినేని(ram pothineni) డ్యాన్స్లలో చూపించే స్పీడ్, యాక్షన్ సన్నివేశాల్లో పెట్టే కష్టాన్ని చూసి ఆశ్చర్యపోయానని పేర్కొంది. మరోవైపు దుల్కర్ సల్మాన్(Dulquer salman) లాంటి సీనియర్ నటుడు కూడా ప్రతి సన్నివేశాన్ని కొత్తగా నేర్చుకునే వ్యక్తిలా చూడటం తనకు ప్రత్యేకంగా అనిపించిందని వెల్లడించింది.
ప్రస్తుతం భాగ్యశ్రీ కెరీర్లో అత్యంత కీలకంగా మారిన ప్రాజెక్ట్ అఖిల్ అక్కినేని(Akhil Akkineni)తో చేస్తున్న లెనిన్(Lenin) అనే ప్రచారం సాగుతోంది. ఈ సినిమాపై ఇండస్ట్రీలో మంచి అంచనాలు నెలకొన్నాయి. సరైన కమర్షియల్ బ్రేక్ కోసం ఎదురుచూస్తున్న భాగ్యశ్రీకి ఈ సినిమా టర్నింగ్ పాయింట్ అవుతుందనే అభిప్రాయాలు వ్యక్తమవుతున్నాయి. ఇప్పటికే వరుస అవకాశాలతో బిజీగా ఉన్న ఆమె, ఒక భారీ హిట్ అందుకుంటే స్టార్ హీరోయిన్ లిస్టులో చేరడం ఖాయమనే టాక్ వినిపిస్తోంది. అభిమానులు కూడా ఈసారి భాగ్యశ్రీకి అదృష్టం కలిసి రావాలని ఆశిస్తున్నారు.
