మే 17న నార్త్ కరోలినాలో ‘టాటా మహిళ’ మాతృ దినోత్సవ వేడుకలు

TATA:ట్రయాంగిల్ ఏరియా తెలుగు అసోసియేషన్ (TATA) అనుబంధ విభాగం ‘టాటా మహిళ’ ఆధ్వర్యంలో మాతృ దినోత్సవ వేడుకలను ఘనంగా నిర్వహించనున్నారు. ఈ కార్యక్రమం మే 17వ తేదీ, ఆదివారం మధ్యాహ్నం 12:30 గంటల నుండి సాయంత్రం 4:00 గంటల వరకు జరగనుంది.

విశేషాలు..

లైవ్ కుకింగ్ పోటీ: ఉదయం 11:00 నుండి మధ్యాహ్నం 12:30 వరకు మహిళల కోసం ప్రత్యేకంగా వంటల పోటీలు నిర్వహిస్తారు. పరిమిత ఎంట్రీలు మాత్రమే ఉన్నందున ఆసక్తి గలవారు ముందుగా రిజిస్టర్ చేసుకోవాలని నిర్వాహకులు కోరారు.

వినోద కార్యక్రమాలు: మధ్యాహ్నం భోజనంతో పాటు సరదా ఆటలు (Fun Games), ప్రత్యేక ఆకర్షణలు , విజేతలకు బహుమతుల ప్రదానం ఉంటుంది.

సభ్యత్వం: ఈ వేడుకలు కేవలం టాటా (TATA) సభ్యులకు మాత్రమే పరిమితం. కొత్త సభ్యత్వం లేదా పాత సభ్యత్వ నవీకరణ కోసం సంస్థ వెబ్‌సైట్‌ను సంప్రదించవచ్చు.

ఈ కార్యక్రమానికి సంబంధించిన మరిన్ని వివరాల కోసం టాటా మహిళ బోర్డ్ ఆఫ్ డైరెక్టర్ , ట్రెజరర్ హేమ దాసరి (919-760-7435) ను సంప్రదించగలరు. మాతృత్వాన్ని గౌరవిస్తూ నిర్వహిస్తున్న ఈ వేడుకల్లో తెలుగు కుటుంబాలందరూ పాల్గొని విజయవంతం చేయాలని బోర్డ్ ఆఫ్ డైరెక్టర్స్ కోరారు.