ది ప్యార‌డైజ్ మ‌ళ్లీ వాయిదానా?

నేచురల్ స్టార్ నాని(Nani) కెరీర్‌లో అత్యంత భారీ ప్రాజెక్ట్‌గా తెరకెక్కుతున్న ది ప్యార‌డైజ్(The Paradise) సినిమా విడుదలపై మళ్లీ అనిశ్చితి నెలకొంది. డైరెక్ట‌ర్ శ్రీకాంత్ ఓదెల‌(Srikanth Odela) తెరకెక్కిస్తున్న ఈ సినిమా మొదట మార్చ్ రిలీజ్‌గా ప్రకటించబడగా, తర్వాత ఆగస్టు 21కి వాయిదా పడింది. అయితే తాజా ఇండస్ట్రీ వర్గాల సమాచారం ప్రకారం ఆ డేట్ కూడా నిలవకపోవచ్చన్న ప్రచారం జోరుగా సాగుతోంది. భారీ యాక్షన్ సీక్వెన్స్‌లు, విస్తృతమైన వీఎఫ్ఎక్స్ వ‌ర్క్స్, ఇంకా పూర్తికాని షూటింగ్ షెడ్యూల్స్ కారణంగా సినిమా పనులు అనుకున్న దానికంటే నెమ్మదిగా సాగుతున్నాయి. ఈ నేపథ్యంలో ట్రేడ్ వర్గాలు ఈ సినిమాను అక్టోబర్ లేదా డిసెంబర్‌కు వాయిదా వేసే అవకాశాలను పరిశీలిస్తున్నాయని అంటున్నాయి.

ఇక బడ్జెట్ అంశం కూడా మేకర్స్‌కు పెద్ద సవాలుగా మారింది. ఇప్పటికే రూ.200 కోట్లకు చేరువలో ఉన్న ఖర్చు, ప్రమోషన్ వ్యయాలు కలిపితే మరింత పెరిగే అవకాశముంది. ద‌స‌రా స‌క్సెస్ తో ఏర్పడిన భారీ అంచనాలను అందుకోవాలంటే క్వాలిటీ విషయంలో ఎలాంటి రాజీ పడకూడదన్న నిర్ణయంతో టీమ్ ముందుకు సాగుతోంది. అయితే సినిమా యూనిట్ నుంచి ఎలాంటి అధికారిక ప్రకటన రాకపోవడం గాసిప్స్‌కు బలాన్ని చేకూర్చుతోంది. మే నెలలో రిలీజ్ కానున్న రెండో పాట పరిస్థితిని క్లారిటీ ఇవ్వగల కీలక సూచికగా భావిస్తున్నారు. అది అనుకున్న సమయానికి రిలీజ్ అవుతూ, రిలీజ్ డేట్‌ను కన్ఫ‌ర్మ్ చేస్తే ఆగస్టు ప్లాన్ కొనసాగుతుందని అర్థం. లేకపోతే వాయిదా ఖాయ‌మ‌న్న అభిప్రాయం బలపడుతుంది.

మరో కీలక అంశం సంగీత దర్శకుడు అనిరుధ్(Anirudh). ఇప్పటికే ఆయా షేర్(Aaya Sher) సాంగ్ తో మంచి స్పందన అందించిన ఆయన, బ్యాక్‌గ్రౌండ్ స్కోర్‌పై ఎక్కువ సమయం తీసుకుంటున్నట్టు సమాచారం. వరుస ప్రాజెక్ట్స్‌తో బిజీగా ఉన్న ఆయనకు తగినంత సమయం ఇవ్వాలన్న ఉద్దేశంతో మేకర్స్ తొందరపడటం లేదు. ఇదే సినిమా రిలీజ్ టైమ్‌లైన్‌పై ప్రత్యక్ష ప్రభావం చూపే అవకాశం ఉంది. కాగా, నాని(Nani) మాత్రం తన భాగస్వామ్యాన్ని పూర్తిగా కొనసాగిస్తూ షూటింగ్‌లో పాల్గొంటున్నారు. చివరికి షూటింగ్ కంటే పోస్ట్ ప్రొడక్షన్, ముఖ్యంగా సంగీతం మరియు బ్యాక్‌గ్రౌండ్ స్కోర్ పూర్తయ్యే వేగమే ఈ సినిమా రిలీజ్ ను నిర్ణయించే అంశంగా మారుతోంది.