Karthi: కార్తీ ఆ సినిమా నుంచి త‌ప్పుకున్నాడా?

కార్తీ(karthi) హీరోగా వ‌చ్చిన ఖైదీ(khaidhi) సినిమా గురించి ప్ర‌త్యేకంగా చెప్ప‌క్క‌ర్లేదు. ఆ సినిమా సృష్టించిన హంగామా అంతా ఇంతా కాదు. ఇంకా చెప్పాలంటే ఖైదీ సినిమాకు స‌ప‌రేట్ ఫ్యాన్ బేస్ కూడా ఉంది. లోకేష్ క‌న‌గ‌రాజ్(lokesh kanagaraj) కు మంచి పేరు, క్రేజ్ తెచ్చి పెట్టిన సినిమా కూడా ఇదే. లోకేష్ ఈ సినిమాను తెర‌కెక్కించిన విధానం ఆడియ‌న్స్ అంద‌రినీ విప‌రీతంగా మెప్పించింది.

అయితే ఆ సినిమాకు సీక్వెల్ ఉంటుంద‌ని మేక‌ర్స్ అప్పుడే చెప్పిన సంగ‌తి తెలిసిందే. ఖైదీ సినిమా వ‌చ్చి ఇన్నేళ్లు అవుతున్నా మేక‌ర్స్ ఇంకా ఆ సీక్వెల్ ఎప్పుడొస్తుంద‌నేది క్లారిటీగా చెప్ప‌డం లేదు. మ‌రోవైపు కార్తీ కూడా ఈ ప్రాజెక్టు కోసం ఎంతో వెయిట్ చేస్తున్న‌ట్టు ప‌లు మార్లు చెప్పాడు. ఇదిలా ఉంటే ఇప్పుడీ క్రేజీ ప్రాజెక్టు ప‌ట్టాలెక్కే అవ‌కాశాలు త‌గ్గిపోయిన‌ట్టు కోలీవుడ్ మీడియా వ‌ర్గాలంటున్నాయి.

కూలీ(coolie) మూవీ త‌ర్వాత లోకేష్ వేరే క‌థ‌ల‌పై ఫోక‌స్ పెట్టాడ‌ని, రీసెంట్ గా అల్లు అర్జున్(Allu arjun) తో ప్రాజెక్టు ను కూడా అనౌన్స్ చేశాక ఆ సినిమాతోనే బిజీ అవ‌నున్నాడ‌ని, దీంతో ఖైదీ సీక్వెల్ ఇప్ప‌ట్లో జ‌రిగేలా లేద‌ని కార్తీ ఈ సీక్వెల్ నుంచి త‌ప్పుకుని త‌న త‌ర్వాతి సినిమాల‌పై ఫోక‌స్ చేయాల‌ని డిసైడ్ అయిన‌ట్టు వార్త‌లు వినిపిస్తున్నాయి. మ‌రి ఈ వార్త‌ల్లో నిజ‌మెంత‌న్న‌ది తెలియాలంటే కార్తీ, లోకేష్ లో ఎవ‌రొక‌రు క్లారిటీ ఇవ్వాల్సిందే.