Donald Trump: అమెరికా సుంకాల తగ్గింపు ఆఫర్‌!

అమెరికా అధ్యక్షుడిగా డొనాల్డ్‌  ట్రంప్‌ (Donald Trump) బాధ్యతలు చేపట్టిన తర్వాత,  ఇతర దేశాల ఉత్పత్తులపై సుంకాల మోత మోగించడం, దానికి ప్రతిగా ఆయా దేశాలు కూడా అదే స్థాయిలో స్పందిస్తుండడం చూశాం. అయితే ఇందుకు భిన్నంగా భారత్‌ (India)  ముందుకు వెళుతోంది. తాజాగా ఆ దేశానికి మరింత రాయితీ కల్పిస్తూ అమెరికా వ్యవసాయ ఉత్పత్తులు బాదం, క్రాస్‌బెర్రీస్‌ వంటి వాటి దిగుమతులపై సుంకాల తగ్గింపునకు భారత్‌ అంగీకరించినట్లు తెలిసింది.  దీనిపై దక్షిణ, మధ్య ఆసియాకు అమెరికా ట్రేడ్‌ ప్రతినిధిగా ఉన్న బ్రెండెన్‌ లించ్‌ (Brendan Lynch) తో ఢిల్లీలో జరిగిన వరుస సమావేశాల్లో చర్చలు జరిగినట్లు తెలిసింది.  బోర్బన్‌ విస్కీతో పాటు బాదం, వాల్‌నట్స్‌ (Walnuts) ,  క్రాన్‌బెర్రీరస్‌, పిస్తా, కాయధాన్యాలు వంటి వ్యవసాయ ఉత్పత్తులపై సుంకాల తగ్గింపునకు భారత్‌ అంగీకరించిందని సంబంధిత వర్గాలు తెలిపాయి. ఇది వచ్చే వారం ట్రంప్‌ నిర్ణయించిన పరస్పర సుంకాలను తప్పించడంపై ఆశాభావాలు వ్యక్తమవుతున్నాయి.