RC17: చరణ్- సుకుమార్ మూవీ అప్డేట్ వచ్చేది ఆ రోజేనా
- Published By: Sravani
- March 11, 2026 / 07:10 PM IST
టాలీవుడ్లో భారీ అంచనాలు నెలకొల్పుతున్న కాంబినేషన్లలో రామ్ చరణ్(ram charan)- సుకుమార్(sukumar) కాంబినేషన్ ఒకటి. గతంలో వీరి కలయికలో వచ్చిన రంగస్థలం బాక్సాఫీస్ వద్ద సంచలన విజయం సాధించి చరణ్ కెరీర్లో ఒక మైలురాయిగా నిలిచింది. ఆ సినిమా తర్వాత ఈ ఇద్దరూ మళ్లీ కలిసి పని చేస్తారని తెలిసినప్పటి నుంచి అభిమానుల్లో భారీ ఆసక్తి నెలకొంది. RC17గా పిలుస్తున్న ఈ సినిమాపై ఇండస్ట్రీలో రోజుకో వార్త వినిపిస్తుండటంతో ఫ్యాన్స్లో ఆసక్తి మరింత పెరుగుతోంది.
ఇటీవల ఈ ప్రాజెక్ట్కు సంబంధించిన స్క్రిప్ట్ విషయంలో కొన్ని చర్చలు మొదలయ్యాయి. డైరెక్టర్ సుకుమార్ కథను ఇంకా ఫైనల్ చేయలేదని, చరణ్ కోసం రెండు కథలను సిద్ధం చేశారని, వాటిలో ఓ కథను చరణ్ తో చేస్తారని ఇండస్ట్రీ వర్గాల్లో టాక్ వినిపిస్తోంది. అయితే ఇప్పుడు త్వరలోనే ఆ రెండు కథలను చరణ్(charan)కు వినిపించి ఒకదాన్ని ఫైనల్ చేసే అవకాశం ఉందని అంటున్నారు. పుష్ప2(pushpa2) తర్వాత సుకుమార్ ఈ ప్రాజెక్ట్పై మరింతగా ఫోకస్ చేసి దీన్ని రెడీ చేస్తున్నాడు.
ఇవి కూడా చదవండి
ఇదిలా ఉండగా ఇప్పుడు ఫ్యాన్స్ ఫోకస్ మొత్తం మార్చి 27పైనే ఉంది. అదే రోజు చరణ్ పుట్టినరోజు కావడంతో RC17పై అధికారిక ప్రకటన వచ్చే అవకాశం ఉందని ఇండస్ట్రీలో చర్చ జరుగుతోంది. ప్రస్తుతం చరణ్, బుచ్చిబాబు సాన(buchibabu sana) దర్శకత్వంలో తెరకెక్కుతున్న పెద్ది(peddi) సినిమాతో బిజీగా ఉన్నాడు. ఆ సినిమా పూర్తైన తర్వాత సుకుమార్ ప్రాజెక్ట్ ప్రారంభమయ్యే అవకాశముందని భావిస్తున్నారు. అయితే ఈ ప్రాజెక్ట్కు సంబంధించి ఇప్పటివరకు ఎలాంటి అధికారిక ప్రకటన వెలువడలేదు.
ఇవి కూడా చదవండి
