World Population: నూతన సంవత్సర వేళ.. ప్రపంచ జనాభా 809 కోట్లు

నూతన సంవత్సర వేళ (2025 జనవరి 1తో) ప్రపంచ జనాభా(World population)  809 కోట్లకు చేరుకోనుంది. 2024లో జనాభా 7.2 కోట్లకుపైగా పెరిగింది. ఈ మేరకు గణాంకాలను యూఎస్‌ సెన్సస్‌ బ్యూరో(US Census Bureau)  ఎస్టిమేట్స్‌ విడుదల  చేసింది. 2023లో పెరిగిన 7.5 కోట్ల మందితో పోలిస్తే 2024లో జనాభా పెరుగుదల శాతం (0.9 ) స్వల్పంగా నమోదైంది. 2025 జనవరిలో సెకనుకు 4.2 జననాలు, 2.0 మరణాలు సంభవించనున్నాయి. 2024లో అమెరికా (America) జనాభా 26 లక్షలకు పైగా పెరిగింది. దీంతో జనవరి ఒకటికల్లా అగ్రరాజ్య జనాభా 34.1 కోట్లకు చేరనుంది.