Ohio : హిందూ వారసత్వ మాసంగా అక్టోబరు: ఒహాయో

ప్రతి  సంవత్సరం అక్టోబరు (October ) నెలను హిందూ మాసంగా జరుపుకొనేందుకు ఉద్దేశించి బిల్లుకు అమెరికాలోని ఒహోయో స్టేట్‌ హౌస్‌, సెనేట్‌లు ఏకగ్రీవంగా ఆమోదం తెలిపాయి. ఇది ఒహాయో, దేశంలో నివసించే హిందువు (Hindus) లకు భారీ విజయం. ఇక నుంచి ఒహాయోలో ఏటా అక్టోబరు నెలను హిందూ వారసత్వ మాసంగా మేం ఘనంగా నిర్వహించుకుంటాం అని ఆ రాష్ట్ర సెనేటర్‌ నీరజ్‌ అంతానీ (Neeraj Antani) తెలిపారు. అక్టోబరు నెలను హిందూ వారసత్వ మాసంగా జరుపుకోవాలని ప్రతిపాదిస్తూ ఆయన బిల్లు ప్రవేశపెట్టారు. ఒహాయో చరిత్రలోనే తొలి హిందూ, భారతీయ అమెరికాన్‌ స్టేట్‌ సెనేటర్‌గా అంతానీ గుర్తింపు పొందారు. అంతేకాకుండా స్టేట్‌ లేదా సమాఖ్యకు ఎన్నికైన అత్యంత పిన్నవయస్కుడైన హిందూ, భారతీయ అమెరికన్‌ కూడా ఆయన చరిత్ర సృష్టించారు.

దేశంలో  ఒహాయో రాష్ట్రంలో హిందువలు చేసిన కృషికి ఇది నిదర్శనం. ఈ బిల్లు ఆమోదానికి సంబంధించి నేను వారితో భాగస్థుడిని అయినందుకు చాలా సంతోషంగా ఉంది అని  అంతానీ తెలిపారు. ఈ బిల్లు ఇప్పుడు గవర్నర్‌ ఆమోదం కోసం వెళ్లనుంది.