Japanese Woman: ప్రపంచంలోనే అత్యంత వృద్ధ మహిళ ఇకలేరు
- Published By: techteam
- January 4, 2025 / 07:32 PM IST
ప్రపంచంలోనే అత్యంత వృద్ధురాలిగా పేరొందిన టోమికో ఇతోకా (Tomiko Itoka) (116) ఇకలేరు. జపాన్ (Japan) కు చెందిన ఈమె, వృద్ధాప్య సమస్యలతో డిసెంబరు 29న మృతి చెందినట్లు అక్కడి అధికారులు వెల్లడిరచారు. ఆమె 1908, మే 23న ఒసాకో (Osaka)లో జన్మించారు. గిన్నిస్ వరల్డ్ రికార్డ్ ప్రకారం గత ఏడాది స్పెయిన్ దేశస్థురాలైన బ్రన్యాస్ (Branyas) (117) మృతి చెందడంతో అత్యంత వృద్ధ మహిళగా ఇతోకా పేరొందారు. గతేడాది మేలో ఇతోకా జన్మదిన వేడుకలను పెద్ద ఎత్తున నిర్వహించారు. స్థానికంగా ఉన్న పలువురు ప్రముఖులు ఆమెను కలిసి పుష్పగుచ్ఛాలు అందజేశారు.
ఇతోకా 20 ఏళ్లకే వివాహం చేసుకున్నారు. ఇద్దరు కొడుకులు, ఇద్దరు కుమార్తెలు సంతానం. 1979లో తన భర్త చనిపోయినప్పటి నుంచి నర నగరంలో ఒంటరిగానే జీవనం సాగించారు. జెరొంటాలజీ రీసెర్చ్ గ్రూప్ వెల్లడిరచిన వివరాల ప్రకారం ఇతోకా మరణంతో ప్రస్తుతం ప్రపంచంలోనే అత్యంత వృద్ధమహిళగా 116 ఏళ్ల నన్ కెనబర్రో లుకాస్ నిలిచారు. బ్రెజిల్కు చెందిన ఈమె ఇతోకా కంటే 16 రోజులు చిన్నవారు.
