ATA: వాషింగ్టన్ డీసీలో ఆటా (ATA) మహిళా దినోత్సవ వేడుకలు.. మార్చి 29న భారీ ఈవెంట్

ATA: అమెరికా తెలుగు సంఘం (ATA) ఆధ్వర్యంలో అంతర్జాతీయ మహిళా దినోత్సవ వేడుకలను అత్యంత వైభవంగా నిర్వహించేందుకు ఏర్పాట్లు పూర్తయ్యాయి. వాషింగ్టన్ డీసీ పరిధిలోని స్టెర్లింగ్ లో గల ‘డల్లాస్ స్పోర్ట్స్‌ప్లెక్స్’ (Dulles Sportsplex) వేదికగా మార్చి 29, ఆదివారం మధ్యాహ్నం 2 గంటల నుంచి సాయంత్రం 7 గంటల వరకు ఈ వేడుకలు జరగనున్నాయి.

ముఖ్య అతిథులు , ఆకర్షణలు:
ఈ కార్యక్రమానికి ప్రముఖ సింగర్ , కంపోజర్ తరుణ్ దొనిపాటి తన అద్భుతమైన గాత్రంతో ప్రేక్షకులను అలరించనున్నారు. ఈ వేడుకల్లో భాగంగా వివిధ రకాల సాంస్కృతిక ప్రదర్శనలు, ఫుడ్ స్టాల్స్, వెండర్ స్టాల్స్ , అతిథుల ప్రసంగాలు ఉండనున్నాయి. మహిళల సాధికారతను చాటిచెప్పేలా ‘గివ్ టు గెయిన్’ (#GiveToGain) అనే థీమ్‌తో ఈ కార్యక్రమాన్ని నిర్వహిస్తున్నారు.

కమిటీ సభ్యుల వివరాలు:
ఈ భారీ ఈవెంట్‌ను విజయవంతం చేసేందుకు అటా ఉమెన్ టీమ్ , డీసీ టీమ్ సభ్యులు శ్రమిస్తున్నారు.

• ఓవరాల్ లీడ్: సమిధ లక్ష్మి
• కల్చరల్ బాధ్యతలు: కౌసల్య
• వెండర్ స్టాల్స్: కల్పన
• కల్చరల్ అడ్వైజర్: మంజువాణి మద్దికుంట

సపోర్ట్ టీమ్: మంజుషా నంపల్లి, రుద్ర భీంరెడ్డి, అనుపమ పారిపాటి, అవంతిక నక్షత్రం, శివాని బోరెడ్డి, శ్రీలక్ష్మి పొలోజు, శ్రీవిద్య సోమ, హరిత ముతోజు, శ్రీదేవి దామిడి తదితరులు.

అడ్వైజర్స్: ఉష కొండక, సుధ కొండపు, అనిత ముతోజు, శ్రీలేఖ పల్లె.

రిజిస్ట్రేషన్ తప్పనిసరి:
ఈ వేడుకల్లో పాల్గొనాలనుకునే వారు ముందుగానే రిజిస్టర్ చేసుకోవాలని నిర్వాహకులు కోరారు. ప్రవేశం ఉచితం అయినప్పటికీ, భద్రత , సౌకర్యాల దృష్ట్యా రిజిస్ట్రేషన్ తప్పనిసరి అని స్పష్టం చేశారు. తెలుగు వారందరూ తమ కుటుంబ సభ్యులు, స్నేహితులతో కలిసి వచ్చి ఈ వేడుకలను జయప్రదం చేయాలని అటా కార్యవర్గ సభ్యులు జయంతి చల్లా (ప్రెసిడెంట్), సతీష్ రామసహాయం రెడ్డి (ప్రెసిడెంట్ ఎలెక్ట్) తదితరులు ఆహ్వానించారు.

బాల్టిమోర్ లో 19వ అటా మహాసభలు:
మహిళా దినోత్సవ వేడుకల అనంతరం, జూలై నెలలో అటా అత్యంత ప్రతిష్టాత్మకంగా 19వ అటా మహాసభలను నిర్వహించనుంది. మేరీల్యాండ్‌లోని బాల్టిమోర్ కన్వెన్షన్ సెంటర్ వేదికగా జూలై 31, ఆగస్టు 1,  ఆగస్టు 2 (2026) తేదీల్లో ఈ మహాసభలు , యూత్ కన్వెన్షన్ జరగనున్నాయి. ప్రపంచవ్యాప్తంగా ఉన్న తెలుగు వారందరినీ ఒకే వేదికపైకి తీసుకురావడమే ఈ సభల ప్రధాన ఉద్దేశ్యం.