UBS: సెన్సార్ పూర్తి చేసుకున్న ఉస్తాద్ భగత్సింగ్
- Published By: Sravani
- March 10, 2026 / 03:40 PM IST
పవర్ స్టార్ పవన్ కళ్యాణ్(pawan kalyan) హీరోగా రూపొందుతున్న భారీ కమర్షియల్ ఎంటర్టైనర్ ఉస్తాద్ భగత్సింగ్(Ustaad Bhagat Singh) రిలీజ్కు ముందే మంచి బజ్ ను సొంతం చేసుకుంటోంది. తాజాగా ఈ సినిమాకు సెన్సార్ బోర్డు నుంచి U/A సర్టిఫికెట్ లభించింది. సినిమా మొత్తం రన్ టైమ్ 2 గంటలు 29 నిమిషాలుగా ఫైనల్ అయినట్టు సమాచారం. డైరెక్టర్ హరీష్ శంకర్(harish shankar) తెరకెక్కించిన ఈ మాస్ యాక్షన్ ఎంటర్టైనర్లో పవన్ కళ్యాణ్ పవర్ఫుల్ పోలీస్ పాత్రలో కనిపించనున్నారని ఇప్పటికే టాక్ ఉంది.
ఈ సినిమాలో శ్రీలీల(Sree Leela), రాశీ ఖన్నా(Raashi khanna) హీరోయిన్లుగా నటిస్తున్నారు. ప్రముఖ నిర్మాణ సంస్థ మైత్రీ మూవీ మేకర్స్(Mythri movie makers) ఈ సినిమాను భారీ స్థాయిలో నిర్మిస్తోంది. పవన్ కళ్యాణ్ ఇమేజ్కు తగ్గట్టుగా పక్కా మాస్ ఎలిమెంట్స్, పవర్ఫుల్ డైలాగ్స్, హై వోల్టేజ్ యాక్షన్ సన్నివేశాలతో ఈ సినిమా రూపొందినట్టు తెలుస్తోంది. ఇప్పటికే విడుదలైన పోస్టర్లు, టీజర్, పాటలు అభిమానుల్లో భారీ అంచనాలను పెంచాయి. దర్శకుడు హరీష్ శంకర్ గతంలో కూడా మాస్ కమర్షియల్ సినిమాలను సక్సెస్ఫుల్ గా తెరకెక్కించిన నేపథ్యంలో ఈ సినిమాపై అభిమానుల్లో మరింత ఆసక్తి నెలకొంది.
ఇక రన్ టైమ్ విషయానికి వస్తే 2 గంటలు 29 నిమిషాల వ్యవధి కమర్షియల్ సినిమాకు చాలా అనుకూలంగా ఉందని సినీ విశ్లేషకులు అభిప్రాయపడుతున్నారు. ఇటీవల భారీ సినిమాలన్నీ మూడు గంటలకు పైగా నిడివితో ప్రేక్షకుల ముందుకొస్తున్న సందర్భంలో, ఉస్తాద్ భగత్ సింగ్ కాస్త కాంపాక్ట్ రన్ టైమ్తో రావడం సినిమాకు ప్లస్ అవుతుందని భావిస్తున్నారు. అన్ని కార్యక్రమాలు పూర్తి చేసుకున్న ఈ సినిమా మార్చి 19న ప్రపంచవ్యాప్తంగా గ్రాండ్గా రిలీజ్ కు రెడీ అవుతోంది. ఈ మూవీ కోసం పవన్ ఫ్యాన్స్ ఎంతో ఆతృతగా ఎదురుచూస్తున్నారు.
