విశ్వంభ‌రలో ఆమె పాత్రే కీల‌క‌మ‌ట‌!

మెగాస్టార్ చిరంజీవి(chiranjeevi) హీరోగా తెరకెక్కుతున్న భారీ సోషియో ఫాంటసీ మూవీ విశ్వంభ‌ర‌(Vishwambara)పై అంచనాలు రోజురోజుకీ పెరుగుతున్నాయి. తాజాగా హీరోయిన్ త్రిష(Trisha) బ‌ర్త్ డే సందర్భంగా మేకర్స్ రిలీజ్ చేసిన ఆమె క్యారెక్టర్ పోస్టర్ సినీ వర్గాల్లో హాట్ టాపిక్‌గా మారింది. అవ‌ని(Avani) క్యారెక్ట‌ర్ లో త్రిష ట్రెడిషనల్ లుక్‌లో కనిపిస్తూ అద్భుతమైన గ్లామర్‌తో పాటు ఓ దివ్యమైన ఆరాను ప్రదర్శించింది. ఈ పోస్టర్ కేవలం విజువల్‌గా ఆకట్టుకోవడం మాత్రమే కాకుండా, సినిమాలో ఆమె పాత్ర ప్రాధాన్యంపై ఆసక్తిని మరింత పెంచింది.

ఇండస్ట్రీ వర్గాల సమాచారం ప్రకారం, సినిమాలో ఆమె పాత్ర కథలో కీలక మలుపులకు కారణమయ్యే ప్రధాన శక్తిగా నిలవనుంది. త్రిష కెరీర్‌లోనే ఇది అత్యంత పవర్‌ఫుల్ మరియు వెయిటేజ్ ఉన్న పాత్రల్లో ఒకటిగా నిలుస్తుందనే టాక్ వినిపిస్తోంది. ఇప్పటికే తన నటనతో ఎన్నో గుర్తుండిపోయే పాత్రలను పోషించిన త్రిష, ఈ సినిమాతో మరోసారి తన స్క్రీన్ ప్రెజెన్స్‌ను కొత్త స్థాయికి తీసుకెళ్లనుందనే అంచనాలు ఉన్నాయి. ఈ అంశం ఫ్యాన్స్‌లో మరింత హైప్‌ను క్రియేట్ చేస్తోంది.

ఇక సినిమా నిర్మాణ విషయానికి వస్తే, డైరెక్ట‌ర్ వశిష్ట మ‌ల్లిడి(Vasishta mallidi) అత్యంత ప్రతిష్టాత్మకంగా ఈ ప్రాజెక్ట్‌ను తెరకెక్కిస్తున్నారు. ప్రముఖ నిర్మాణ సంస్థ యువి క్రియేష‌న్స్(UV creations) భారీ బడ్జెట్‌తో ఈ సినిమాను నిర్మిస్తోంది. షూటింగ్ మొత్తం పూర్తై, ప్రస్తుతం పోస్ట్ ప్రొడక్షన్ పనులు వేగంగా కొనసాగుతున్నాయి. హాలీవుడ్‌కు చెందిన ప్రముఖ వీఎఫ్ఎక్స్ స్టూడియోలు అద్భుతమైన విజువల్ ఎఫెక్ట్స్ కోసం పని చేస్తున్నాయి. ప్రపంచవ్యాప్తంగా ప్రేక్షకులను ఆకట్టుకునే ఈ విజువల్ వండర్‌కు సరైన రిలీజ్ డేట్‌ను ఫైనలైజ్ చేసే పనిలో మేకర్స్ బిజీగా ఉన్నారు.