China: తగ్గేదేలే .. చైనాకు ట్రంప్‌ బాదుడే బాదుడు.. ఏకంగా 104 శాతం

చైనాపై  అమెరికా అధ్యక్షుడు డొనాల్డ్‌ ట్రంప్‌ (Donald Trump) సుంకాల బాదుడు 104 శాతానికి చేరుకుంది. డ్రాగన్‌ దేశంపై తొలుత 20 శాతం, ఆ తర్వాత మరో 34 శాతం సుంకాలు విధించిన ట్రంప్‌ ఆ దేశం తమపై 34 శాతం మేర ప్రతీకార సుంకం విధించడాన్ని తట్టుకోలేకపోయారు. ఒక్కరోజులోగా ఆ ప్రతీకార  సుంకాన్ని ఉపసంహరించుకోవాలని, లేకుంటే తాను చైనా (China )పై అదనంగా 50 శాతం సుంకాన్ని విధిస్తానని హెచ్చరించారు. అయితే, ట్రంప్‌ బెదిరింపులకు చైనా తలొగ్గలేదు. పైగా ఇలాంటి బెదిరింపులకు తాము  లొంగబోమని, అమెరికాతో తుదికంటా పోరాడుతామని, తమ దేశ ప్రయోజనాలకు అనుగుణంగా ప్రతీకార చర్యలు తీసుకుంటామని తెగేసి చెప్పింది.  దీంతో చైనాపై 50 శాతం అదనపు సుంకాలు (Tariffs)  విధిస్తూ ట్రంప్‌ నిర్ణయం తీసుకున్నారని శ్వేతసౌదం (White House)  వర్గాలు వెల్లడించాయి.