CATS: క్యాట్స్ నూతన కార్యవర్గం ఖరారు.. ఎవరెవరంటే?

వాషింగ్టన్ డీసీ రాజధాని ప్రాంతంలో తెలుగు సమాజానికి విశేష సేవలందిస్తున్న రాజధాని ప్రాంతీయ తెలుగు సంఘం (CATS) తన కార్యవర్గాన్ని పూర్తి స్థాయిలో సిద్ధం చేసుకుంది. ఈ సందర్భంగా పార్థ బైరెడ్డి.. సంఘం అధ్యక్షులుగా బాధ్యతలు స్వీకరించారు. సంస్థ వ్యవస్థాపకులు, ట్రస్టీలు, అడ్వైజర్లు, మాజీ అధ్యక్షులు నూతన కార్యవర్గానికి హృదయపూర్వక శుభాకాంక్షలు తెలిపారు.

రాబోయే రెండేళ్ల పాటు సంస్థ కార్యక్రమాలను పర్యవేక్షించే కీలక బాధ్యులు వీరే..

అధ్యక్షుడు: పార్థ బైరెడ్డి

గత అధ్యక్షుడు: గోపాల్ నున్నా

ఉపాధ్యక్షుడు: రమణ మద్దికుంట

ప్రధాన కార్యదర్శి: రంగస్వామి రెడ్డి సూర

సాంస్కృతిక కార్యదర్శి: శిరీష కొల్ల

కోశాధికారి: లక్ష్మీకాంత్ గొట్టం

ఎగ్జిక్యూటివ్ డైరెక్టర్ (ఛారిటీస్ & కమ్యూనిటీ అఫైర్స్): మహేష్ అనంత్ ఓజ్

వ్యవస్థాపక ట్రస్టీలు: రామ్ మోహన్ కొండ, చిత్తరంజన్ నల్లు

ట్రస్టీలు: భాస్కర్ బొమ్మారెడ్డి, సుదర్శన్ దేవిరెడ్డి, రామచంద్ర యర్లబండి

లక్ష్యం..

ఈ నూతన కమిటీ ఆధ్వర్యంలో తెలుగు పండుగలు, సాహిత్య సమావేశాలు, స్వచ్ఛంద కార్యక్రమాలు మరింత ఉత్సాహంగా జరగనున్నాయి. తెలుగు సంస్కృతిని విదేశాల్లో ఉన్న భావితరాలకు అందించడంలో క్యాట్స్ సంస్థ ఎల్లప్పుడూ ముందుంటుందని ప్రతినిధులు ధీమా వ్యక్తం చేశారు. నూతన నాయకత్వంలో CATS మరిన్ని ఉన్నత శిఖరాలను అధిరోహిస్తూ, తెలుగు భాషా–సాంస్కృతిక సేవలను మరింత విస్తృతంగా కొనసాగించాలని బోర్డు సభ్యులు ఆకాంక్షించారు. రాజధాని ప్రాంతంలోని తెలుగు వారందరినీ ఏకతాటిపైకి తీసుకురావడానికి క్యాట్స్ చేస్తున్న ప్రయత్నాలు ప్రశంసనీయం. కొత్త కార్యవర్గం నేతృత్వంలో మరిన్ని వినూత్న కార్యక్రమాలు పట్టాలెక్కనున్నాయి.