Family Cards: క్యూఆర్ కోడ్ తో స్మార్ట్ ఫ్మామిలీ కార్డులు : చంద్రబాబు

ప్రతి కుటుంబ సాధికారతే లక్ష్యంగా రాష్ట్రంలో 1.40 కోట్ల కుటుంబాలకు 2026 జూన్ నాటికి క్యూఆర్ కోడ్తో కూడిన స్మార్ట్ ఫ్యామిలీ కార్డులు (Family Cards) జారీ చేయాలని ముఖ్యమంత్రి చంద్రబాబు నాయుడు (Chandrababu Naidu) అధికారులను ఆదేశించారు. ప్రభుత్వం అందిస్తున్న వివిధ సంక్షేమ పథకాలు, పౌరసేవలు, ప్రభుత్వ శాఖల వద్ద ఉన్న సమాచారాన్ని క్రోడీకరించి, 25 రకాల వివరాలతో పాటు పీ4 (P4) లాంటి అంశాలనూ పొందుపరచాలని సూచించారు. సుపరిపాలనలో భాగంగా అర్హులైన వారందరికీ పథకాలతో పాటు సులభంగా పౌరసేవలు అందించాలనేదే ప్రభుత్వ లక్ష్యమని చంద్రబాబు వివరించారు. వెలగపూడి సచివాలయంలో ఆయన ఫ్యామిలీ బెనిఫిట్ మేనేజ్మెంట్ విధానం(ఎఫ్బీఎంఎస్)పై సమీక్షించారు. ప్రభుత్వ ప్రధాన కార్యదర్శి విజయానంద్ సహా వివిధ శాఖల ఉన్నతాధికారులు పాల్గొన్న ఈ కార్యక్రమంలో చంద్రబాబు పలు సూచనలు చేశారు.