H-1B:  హెచ్‌-1 బీ వీసాదారులకు మైక్రోసాఫ్ట్‌  అడ్వైజరీ..తక్షణమే అమెరికాకు 

హెచ్‌-1బీ (H-1B)  వీసాదారుల వార్షిక రుసుము లక్ష డాలర్లు విధిస్తూ అధ్యక్షుడు డొనాల్డ్‌ ట్రంప్‌(Donald Trump)  కార్యనిర్వాహక ఉత్తర్వుపై సంతకం చేసిన విషయం తెలిసిందే. ఈ నేపథ్యంలో టెక్‌  కంపెనీలు  అప్రమత్తమయ్యాయి. ఇతర దేశాల్లో ఉన్నహెచ్‌-1బీ, హెచ్‌-4 వీసాదారులు సెప్టెంబరు 21లోపు అమెరికా (America)  తిరిగిరావాలని కోరుతూ మైక్రోసాఫ్ట్‌ తమ ఉద్యోగులకు అడ్వైజరీ జారీ చేసినట్లు  తెలుస్తోంది. ఈ మేరకు అంతర్గత ఈమెయిల్‌ (Email)  పంపించినట్లు సమాచారం. అయితే అమెరికాలోనే విధులు నిర్వర్తిస్తున్న ఉద్యోగులు మంచి భవిష్యత్తు కోసం అక్కడే పనిని కొనసాగించాలని సంస్థ సూచించినట్లు సమాచారం.  అయితే దీనిపై మైక్రోసాఫ్ట్‌ అధికారికంగా  స్పందించాల్సి ఉంది.