America : అమెరికాలో భారతీయ విద్యార్థి అరెస్టు!

అమెరికా పోలీసులు భారతీయ విద్యార్థిని అదుపులోకి తీసుకున్నట్లు తెలుస్తోంది. హమాస్‌ ఉగ్రవాదులతో అతడికి సంబంధాలున్నాయనే ఆరోపణల నేపథ్యంలోనే అరెస్టు చేసినట్లు సమాచారం.బదర్‌ ఖాన్‌ సూరి (Badr Khan Suri) స్టూడెంట్‌ వీసాపై అమెరికాలో ఉంటున్నారు. వాషింగ్టన్‌ డీసీలోని జార్జ్‌టౌన్‌ యూనివర్సిటీ లో పోస్ట్‌ డాక్టోరల్‌గా ఉన్నారు. యూనివర్సిటీలో సూరి హమాస్‌ (Hamas)కు మద్దతుగా ప్రచారం చేస్తున్నారని డిపార్ట్‌మెంట్‌ ఆఫ్‌ హోమ్‌ల్యాండ్‌ సెక్యూరిటీ లోని అసిస్టెంట్‌ సెక్రటరీ ట్రిసియా మెక్‌లాఫ్లిన్‌ (Tricia McLaughlin ) ఆరోపిచారు. అంతేకాక ఉగ్రవాద సంస్థలోని పలువురితో అతడికి సన్నిహిత సంబంధాలు ఉన్నాయని ఆమె పేర్కొన్నారు.  దీంతో అతడి వీసా రద్దు చేసినట్లు తెలిపారు. ఈ క్రమంలోనే ఫెడరల్‌ ఏజెంట్లు వర్జీనియా (Virginia)లోని అతడి ఇంటి వెలుపల అరెస్టు చేసినట్లు వెల్లడిరచారు. అయితే,తన అరెస్టుపై సూరి ఇమిగ్రేషన్‌ కోర్టులో సవాల్‌ చేశారు. తనకు ఎలాంటి నేర చరిత్ర లేదని, తన భార్యకు పాలస్తీనా మూలాలున్న కారణంగానే తనను  లక్ష్యంగా చేసుకున్నారని కోర్టులో ఆయన పేర్కొన్నట్లు తెలుస్తోంది.