LATA: లాటా ఆర్ట్ కాంపిటీషన్ 2026: ‘భవిష్యత్తు జీవితంలో రోబోలు’ థీమ్‌తో చిత్రలేఖన పోటీలు!

LATA: లాస్ ఏంజిల్స్ తెలుగు అసోసియేషన్ (LATA) ఆధ్వర్యంలో చిన్నారులు, యువతలోని సృజనాత్మకతను వెలికితీసేందుకు అద్భుతమైన అవకాశం కల్పిస్తోంది. 2026 సంవత్సరానికి గాను ఆర్ట్ కాంపిటీషన్ (Art Competition 2026) నిర్వహిస్తున్నట్లు అసోసియేషన్ ప్రకటించింది. తమ చిత్రకళా నైపుణ్యాన్ని ప్రదర్శించాలనుకునే వారి కోసం లాస్ ఏంజిల్స్ తెలుగు అసోసియేషన్ ఈ పోటీని సిద్ధం చేసింది.

ఈ ఏడాది పోటీ కోసం “భవిష్యత్తు దైనందిన జీవితంలో రోబోలు” (Robots in Future Daily Life) అనే ఆసక్తికరమైన అంశాన్ని ఎంచుకున్నారు. భవిష్యత్తులో రోబోలు మన జీవితాల్లో ఎలా భాగం కాబోతున్నాయో మీ ఊహలకు అనుగుణంగా చిత్రించవచ్చు.

ఈ పోటీలో పాల్గొనడానికి ఎటువంటి వయస్సు పరిమితి లేదు. అన్ని వయస్సుల వారు పాల్గొనవచ్చు.

పోటీలో పాల్గొనడానికి ఎలాంటి ప్రవేశ రుసుము లేదు (Participation is Free).

రిజిస్ట్రేషన్, బహుమతులు…

ఆసక్తి గల వారు చిత్రంలో ఉన్న క్యూఆర్ (QR) కోడ్ స్కాన్ చేసి వెంటనే రిజిస్టర్ చేసుకోవచ్చు.

పోటీలో ఉత్తమ ప్రతిభ కనబరిచిన విజేతలకు ఉత్తేజకరమైన బహుమతులు అందజేస్తారు.

సంప్రదించాల్సిన వివరాలు

ఈ పోటీకి సంబంధించి మరిన్ని వివరాలు లేదా సందేహాల కోసం అమోఘ్ చుండ్రు (Amogh Chundru) (949) 289-5130 నంబరులో సంప్రదించవచ్చు. మీలోని సృజనాత్మకతకు, ఊహాశక్తికి పదును పెట్టి ఈ అద్భుతమైన పోటీలో పాల్గొని విజేతలుగా నిలవండి.