Russia : యుద్ధం ఆపకపోతే రష్యాపై కఠిన ఆంక్షలు : ట్రంప్‌

ఉక్రెయిన్‌తో మతిలేని యుద్ధానికి ఇకనైనా తెరదించాలని రష్యా అధినేత పుతిన్‌కు అమెరికా అధ్యక్షుడు డొనాల్డ్‌ ట్రంప్‌ (Donald Trump) హితవు పలికారు. యుద్దాన్ని ముగించేలా ఉక్రెయిన్‌ (Ukraine)తో ఒప్పందానికి రావాలని సూచించారు. ఈ సందర్భంగా ట్రంప్‌  మీడియాతో మాట్లాడుతూ  పుతిన్‌ (Putin)తో సాధ్యమైనంత త్వరగా సమావేశమవుతానని చెప్పారు. యుద్ధం ఆపకపోతే రష్యా(Russia )పై కఠిన ఆంక్షలు విధించక తప్పదని ట్రంప్‌ హెచ్చరించిన సంగతి తెలిసిందే. ఆంక్షల భయంతో పుతిన్‌ వెనక్కి తగ్గుతారని మీరు భావిస్తున్నారా? అని మీడియా ప్రతినిధులు ప్రశ్నించగా, అది నాకు తెలియదు అని ట్రంప్‌ బదులిచ్చారు. ఉక్రెయిన్‌ -రష్యా యుద్దక్షేత్రంలో అమాయకులు బలైపోతున్నారని, అందుకే  తక్షణమే ఆ యుద్ధం ఆగిపోవాలని తాను కోరుకుంటున్నట్లు పునరుద్ఘాటించారు. రష్యాతో సంధికి ఉక్రెయిన్‌ అధ్యక్షుడు జెలెన్‌స్కీ సిద్ధంగా ఉన్నారని ట్రంప్‌ తెలిపారు.