జో బైడెన్ కి ప్రపంచ దేశాధినేతల మద్దతు

డొనాల్డ్ ట్రంప్‍ ఓటమిని అంగీకరించకుండా, అధికార బదలాయింపు పక్రియ క్లిష్టరతమౌతోన్న వేళ, కొత్తగా అధ్యక్షుడిగా ఎన్నికైన బైడెన్‍కి ప్రపంచ దేశాధినేతలు కరోనా మహమ్మారి, వాతావరణ మార్పు, ఇతర విషయాలపై సహకరిస్తామని మద్దతు తెలుపుతున్నారు. ఉత్తర కొరియాతో అణ్వాయుధ ఉద్రిక్తతలను తగ్గించడానికి, దక్షిణ కొరియాతో కలిసి పనిచేస్తానని జో బైడెన్‍ తెలిపినట్టు దక్షిణ కొరియా అధ్యక్షుడు మూన్‍ జే ఇన్‍ తెలిపారు. ఇండో పసిఫిక్‍ ప్రాంతంలో భద్రతని పెంపొందించడానికి దక్షిణ కొరియాతో భాగస్వాములమౌతామని బైడెన్‍ తెలిపారు. ఇరు దేశాల మధ్య అణ్వాయుధ ఉద్రిక్తతల నివారణకు ట్రంప్‍ కాలంలో కృసి జరిగిందని, దాన్ని ముందుకు తీసుకెళ్ళాల్సిన అవసరం ఉందని మూన్‍ అన్నారు. తమ దేశంలో పర్యటించాల్సిందిగా బైడెన్‍ని కోరినట్లు ఆస్ట్రేలియా ప్రధాని స్కాట్‍ మోరిసన్‍ తెలిపారు. అమెరికాతో సంబంధాలను బలోపేతం చేసుకోవాలని సూచించినట్లు జపాన్‍ ప్రధాని యోషిహిడే సుగా తెలిపారు.