Chandrababu: ఏపీలో మూడు కొత్త జిల్లాలు… అభివృద్ధా? లేక రాజకీయమా?

ఆంధ్రప్రదేశ్‌(Andhra Pradesh)లో జిల్లాల పునర్విభజన మరోసారి రాజకీయ చర్చలకు దారితీసింది. తాజాగా ప్రభుత్వం మూడు కొత్త జిల్లాల ఏర్పాటుకు అనుమతి ఇవ్వడంతో రాష్ట్ర పరిపాలనలో కీలక మార్పులు చోటుచేసుకోనున్నాయి. మార్కాపురం(Markapuram), మదనపల్లె(Madanapalle), పోలవరం(Polavaram) పేర్లతో కొత్త జిల్లాలు రూపుదాల్చనున్నాయి. ముఖ్యంగా రంపచోడవరం(Rampachodavaram) కేంద్రంగా పోలవరం జిల్లా ఏర్పాటు చేయడం, ఆ ప్రాంత ప్రజల్లో ఉత్సాహాన్ని పెంచింది. ఈ నిర్ణయాలపై సీఎం నారా చంద్రబాబు నాయుడు(Chandrababu Naidu) సచివాలయంలో సమీక్ష నిర్వహించారు. ఈ సమావేశానికి అనగాని సత్యప్రసాద్(Anagani Satyaprasad), వి. అనిత(V. Anita), పి. నారాయణ(P. Narayana), బీసీ జనార్ధన్ రెడ్డి(BC Janardhan Reddy), నిమ్మల రామానాయుడు(Nimmala Ramanaidu) వంటి మంత్రులు హాజరయ్యారు.

ఇప్పటికే కమిటీ విస్తృత అధ్యయనం చేసిన అనంతరం ఈ మార్పులపై నిర్ణయం తీసుకున్నట్లు తెలుస్తోంది. నూతన మదనపల్లె జిల్లాలో పీలేరు(Pileru) డివిజన్ ఏర్పాటుకి అంగీకారం లభించింది. నంద్యాల(Nandyal) జిల్లాలో బనగానపల్లె(Banaganapalle) డివిజన్ ఏర్పడబోతోంది. సత్యసాయి(Sri Sathya Sai) జిల్లాలో మడకశిర(Madakasira) డివిజన్, ప్రకాశం(Prakasam) జిల్లాలో అద్దంకి(Addanki) డివిజన్‌ను ఏర్పాటు చేయాలని ప్రభుత్వం నిర్ణయించింది. కర్నూలు(Kurnool) జిల్లాలో పెద్దహరివనం(Pedda Harivanam) అనే కొత్త మండలం, ఆదోని(Adoni) మండల విభజనతో మరో కొత్త మండలం కూడా నిర్మాణంలోకి రానుంది. ఈ ఏర్పాట్లతో రాష్ట్రంలోని మొత్తం జిల్లాల సంఖ్య 29కి చేరుకోనుంది.

అయితే ఈ నిర్ణయాలు రాజకీయ రంగంలో కొత్త చర్చకు దారితీశాయి. వైసీపీ(CP ) దీనిని రాజకీయ ఉద్దేశంతో తీసుకున్న చర్యగా మండిపడుతోంది. వైఎస్ జగన్ మోహన్ రెడ్డి(YS Jagan Mohan Reddy) ముఖ్యమంత్రిగా ఉన్న సమయంలో పార్లమెంటు నియోజకవర్గాల ఆధారంగా జిల్లాలను పునర్‌వ్యవస్థీకరించినట్లు వైసీపీ గుర్తు చేస్తోంది. అప్పుడు 13 జిల్లాలు, 25 కొత్త రెవెన్యూ డివిజన్లు ఏర్పాటు చేసి, పరిపాలనను ప్రజలకు మరింత చేరువ చేసినట్లు పేర్కొంటోంది. విజయవాడ(Vijayawada) జిల్లాకు ఎన్టీఆర్(N. T. Rama Rao) పేరు పెట్టిన విషయాన్ని కూడా వైసీపీ ప్రస్తావిస్తోంది. అంతేకాక కుప్పం(Kuppam) నియోజకవర్గానికి రెవెన్యూ డివిజన్ హోదా ఇచ్చినప్పుడు అదే ప్రభుత్వం శాస్త్రీయ విధానాన్ని తప్పుబట్టలేదని చెప్పుతుంది.

ప్రస్తుతం కొత్త జిల్లాల ఏర్పాటును వైసీపీ స్వార్థపూరిత చర్యగా అభివర్ణిస్తోంది. శాస్త్రీయ అధ్యయనాలు, భౌగోళిక.. పరిపాలనా అవసరాలను పక్కన పెట్టి రాజకీయ లాభం కోసం విభజనలు చేస్తున్నారని ఆరోపిస్తుంది. ప్రభుత్వం మాత్రం ఈ మార్పులు ప్రజలకు సేవలను మరింత చేరువ చేసే లక్ష్యంతో చేస్తున్నట్లు చెబుతోంది. రెండు పక్షాల మధ్య జరుగుతున్న ఈ విమర్శల నడుమ, కొత్త జిల్లాల ఏర్పాటుపై ప్రజల నుంచి మిశ్రమ స్పందన వచ్చింది. కొంతమంది అభివృద్ధికి ఇది దోహదం చేస్తుందని భావిస్తే, మరికొంతమంది రాజకీయ ఉద్దేశ్యంగా చూస్తున్నారు. ఏదేమైనా, ఈ నిర్ణయంతో రాష్ట్ర పరిపాలనలో కొత్త దశ ప్రారంభం కానుంది.