Siddaramaiah:ఆయన కూడా పోటీదారే .. అందులో తప్పు ఏముంది : సిద్ధరామయ్య

కర్ణాటకలో సీఎంగా ఐదేళ్ల పాటు తానే కొనసాగుతానని ముఖ్యమంత్రి సిద్ధరామయ్య (Siddaramaiah) తేల్చి చెప్పారు.  ఈ  సందర్భంగా ఆయన మీడియాతో మాట్లాడుతూ రాష్ట్రంలో నాయకత్వ మార్పుపై వస్తున్న ఊహాగానాలను ఆయన కొట్టిపారేశారు. డీకే శివకుమార్‌ (DK Shivakumar )ను ముఖ్యమంత్రిగా చేయడం కోసం తనను కాంగ్రెస్‌ (Congress) హైకమాండ్‌ రాజీనామా (Resignation) చేయమని కోరినట్లు జరుగుతున్న ప్రచారం పూర్తిగా అవాస్తవమన్నారు.  సీఎంగా నేను ఐదేళ్లు ఉంటాను. ఈ విషయాన్ని నేను ఎప్పుడో స్పష్టంగా చెప్పాను. జులై 2వ తేదీన కూడా దీనిపై ప్రకటన విడుదల చేశాను. ఆ సమయంలో డీకే శివకుమార్‌ కూడా అక్కడే  ఉన్నారు. ఆయన కూడా  పోటీదారే. అందులో తప్పు ఏముంది. కూర్చీ ఇప్పుడు ఖాళీగా లేదు అని ఆయనే అన్నారు అని పేర్కొన్నారు.