Parenting Tips: పిల్లలతో బంధం బలంగా ఉండాలంటే..ప్రతి పేరెంట్ తెలుసుకోవాల్సిన సింపుల్ చిట్కాలు

ప్రతి తల్లిదండ్రుల (Parents) కల ఒకటే — పిల్లలతో ప్రేమగా, ఆనందంగా జీవించాలి. కానీ ఈరోజుల్లో బిజీ లైఫ్, ఒత్తిడి (Stress), టెక్నాలజీ కారణంగా పిల్లలతో క్వాలిటీ టైమ్ (Quality Time) గడపడం కష్టమైపోతోంది. ఫలితంగా పిల్లలతో ఉన్న బంధం కాస్తా దూరమవుతోంది. ఈ పరిస్థితి మారాలంటే కొన్ని సులభమైన చిట్కాలు పాటిస్తే చాలుతుంది.

ప్రేమతో దగ్గర కావడం

రోజంతా స్కూల్‌ (School) లో పిల్లలు, ఆఫీస్‌ (Office) లో మీరు బిజీగా ఉంటారు. కానీ రోజులో కొద్దిసేపైనా వారితో కూర్చొని మాట్లాడండి. వారు ఎలా ఉన్నారు, స్కూల్‌లో ఏం నేర్చుకున్నారు, ఎవరివద్ద ఆడారు వంటి చిన్న ప్రశ్నలతో వారితో సంభాషించండి. ఈ చిన్న మాటలు వారిలో నమ్మకాన్ని పెంచుతాయి.

కోపం కంటే ప్రేమ ముఖ్యం

పిల్లల మీద కోప్పడటం తప్పు కాదు కానీ ఎప్పుడూ అలా ఉండడం సరైంది కాదు. ప్రతి సారి కోపం చూపితే వారు భయంతో ఉండిపోతారు. అందుకే ప్రేమతో అర్థం చేసుకునే ప్రయత్నం చేయండి. “నేను నీకు కోప్పడ్డా కానీ నిన్ను చాలా ఇష్టపడతా” అని చెప్పడం ద్వారా వారి మనసులో భయం తగ్గుతుంది, ప్రేమ పెరుగుతుంది.

వారిని అర్థం చేసుకోవడం నేర్చుకోండి

పిల్లల వయస్సులో కొత్త విషయాలపై ఆసక్తి (Curiosity) ఎక్కువగా ఉంటుంది. ఏదైనా అడిగితే వెంటనే కోప్పడకండి. ఓపికగా, వారికర్థమయ్యే రీతిలో వివరించండి. “ఇది నీ వయసుకు సెట్ కాదు తర్వాత నేర్చుకుందాం, ఇప్పుడు ఇది చేయు” అని మృదువుగా చెప్పండి. ఇది వారిని మీకు దగ్గర చేస్తుంది.

వారి మాట వినడం కూడా ఒక ప్రేమ రూపం

పిల్లలు ఏదైనా చెప్పడానికి వస్తే “ఇప్పుడు టైమ్ లేదు” అని చెప్పకుండా, కొన్ని నిమిషాలు కేటాయించండి. మీరు వినే ప్రయత్నం చేస్తే వారు కూడా మీతో ఓపెన్‌గా మాట్లాడతారు. ఈ హ్యాబిట్ వల్ల మీ మధ్య నమ్మకం (Trust) బలపడుతుంది.

ఆటల్లో భాగస్వామ్యం అవ్వండి

పిల్లల ఎదుగుదలలో ఆటలు (Games) చాలా ముఖ్యమైనవి. వారితో కలిసి ఆడడం ద్వారా వారి మానసిక, శారీరక ఆరోగ్యం మెరుగుపడుతుంది. పైగా మీరు కూడా వారితో గడిపిన సమయాన్ని జీవితాంతం గుర్తుంచుకుంటారు.

చివరి మాట

పిల్లలతో బంధం బలంగా ఉండటానికి ప్రేమ, సహనం, సమయం అనే మూడు సూత్రాలు అవసరం. వారితో మాట్లాడండి, వారిని అర్థం చేసుకోండి, వారితో నవ్వండి. అప్పుడు మీరు ఒక హ్యాపీ పేరెంట్ (Happy Parent) అవుతారు, వారు ఒక సెల్ఫ్-కాన్ఫిడెంట్ చైల్డ్ (Self-Confident Child) గా ఎదుగుతారు.