Wall Street : భారతీయ జంట పెండ్లి .. బరాత్‌తో హోరెత్తిన వాల్‌స్ట్రీట్‌

న్యూయార్క్‌లోని ఐకానిక్‌ వాల్‌స్ట్రీట్‌ (Wall Street)  ఓ భారతీయ జంట పెండ్లి బరాత్‌ (Wedding Barat)తో హోరెత్తింది. ఈ ర్యాలీలో 400 మంది నృతం చేశారు. బంధుగణమంతా రంగురంగుల దుస్తులు ధరించి, బాలీవుడ్‌ (Bollywood)  పాటలకు స్టెప్పులేశారు.  వధూవరులు కూడా ఈ వేడకలో నృత్యం చేస్తూ ప్రత్యేక ఆకర్షణగా నిలిచారు. ప్రపంచంలోనే ప్రతిష్టాత్మక ఫైనాన్సియల్‌ స్ట్రీట్‌(Financial Street) లో ఈ వేడుక ఆహ్లాదం నింపింది. ఫైనాన్సియల్‌ హబ్‌ కాస్త నృత్య వేదికగా మారిందని, భారతీయ సంప్రదాయం ప్రపంచవేదికపై విరాజిల్లుతున్నదని పలువురు పేర్కొన్నారు. మరికొందరు ఇలాంటి ఆహ్లాదం, ఆనందం భారతీయులతోనే సాధ్యమని వ్యాఖ్యానించారు. ఈ వేడుకను నిర్వహించిన డీజే ఏజే (DJ AJ)  ఇన్‌స్టా పోస్ట్‌లో కామెంట్‌ చేస్తూ వాల్‌స్ట్రీట్‌లో ఇలాంటి నృత్యవేడుక జరగుతుందని ఎవరూ ఊహించలేదని, జీవితంలో ఒక్కోసారి ఇలాంటి అద్భుతాలు జరుగుతుంటాయని పేర్కొన్నారు.