ఎలాన్ మస్క్ పై మరోసారి.. సంచలన కథనం!

టెస్లా అధినేత ఎలాన్‌ మస్క్‌ పై మరోసారి సంచలన కథనం ప్రచురితమైంది. తన సంస్థ స్పేస్‌ఎక్స్‌ లో పని చేసే పలువురు మహిళా ఉద్యోగినులతో ఆయన లైంగిక సంబంధం పెట్టుకున్నట్లు తాజా నివేదిక పేర్కొంది. ఇంటర్న్‌ కోసం వచ్చిన ఓ యువతి కూడా అందులో ఉన్నట్లు తెలిపింది. మస్క్‌ తన కంపెనీలో మహిళలకు అసౌకర్య వాతావరణాన్ని కల్పించారంటూ ఆరోపించింది. గతంలో ఎలాన్‌ మస్క్‌ కంపెనీలో పనిచేసి వెళ్లిపోయిన మహిళల నుంచి ఈ వివరాలు సేకరించినట్లు తెలుస్తోంది.  మస్క్‌కు డ్రగ్స్‌ తీసుకునే అలవాటు ఉందని,  అప్పుడప్పుడు బోర్డ్‌ సభ్యులతో కలిసి వాటిని తీసుకునేవారని పేర్కొంది.  ఈ క్రమంలోనే మహిళా ఉద్యోగులతో లైంగిక సంబంధం పెట్టుకున్నట్లు తెలిపింది. తన పిల్లలకు తల్లి కావాలని ఓ ఉద్యోగిని ఆయన కోరినట్లు వెల్లడిరచింది. శృంగారంలో పాల్గొంటే గుర్రాన్ని బహుమతిగా ఇస్తానని 2016లో మస్క్‌ చెప్పినట్లు మరో మహిళ వివరించినట్లు తాజా కథనం పేర్కొంది.