జర్మనీ మాజీ ఛాన్సలర్కు క్షమాపణలు చెప్పిన పుతిన్!
- Published By: techteam
- November 29, 2024 / 07:47 PM IST
రష్యా అధ్యక్షుడు పుతిన్ జర్మనీ మాజీ ఛాన్సలర్ ఏంజెలా మెర్కెల్కు క్షమాపణలు చెప్పారు. 2007లో జర్మనీ ఛాన్సలర్ ఏంజెలా మెర్కెల్ తో సమావేశమైన పుతిన్ తనతో పాటు తన పెంపుడు శునకం లాబ్రడార్ను తీసుకెళ్లారు. ఆ సమయంలో తాను అసౌకర్యానికి గురైనట్లు మెర్కెల్ ఇటీవల తెలిపారు. దీనిపై పుతిన్ స్పందిస్తూ మెర్కెల్ను భయపెట్టడం తన ఉద్దేశం కాదని, ఆవిధంగా చేసినందుకు తనను క్షమించాలని ఆమెను కోరారు. ఇటీవల ఓ కార్యక్రమంలో పాల్గొన్న మెర్కెల్ తనకు శునకాలంటే భయమని తెలిపారు. 2007లో తాను జర్మనీ ఛాన్సలర్గా ఉన్నప్పుడు ఓ సమావేశానికి పుతిన్ తన పెంపుడు శునకాన్ని తీసుకువచ్చారని, దీంతో తాను భయపడ్డానని, అక్కడ ఉన్నంతసేపు అసౌకర్యానికి గురయ్యానని పేర్కొన్నారు. అయితే పుతిన్కు కుక్కలంటే చాలా ఇష్టమని, పలు సందర్భాల్లో కొందరు దేశాధ్యక్షులు ఆయనకు వాటిని బహుమతిగా ఇచ్చారని గుర్తు చేసుకున్నారు.
