ATA: మేరీల్యాండ్‌ గవర్నర్, లెప్టినెంట్ గవర్నర్‌లతో ఆటా నాయకులు

అమెరికా తెలుగు సంఘం (ఆటా) అధ్యక్షుడు జయంత్ చల్లా నేతృత్వంలో ఆటా ప్రతినిధులు, బాల్టిమోర్‌లో జరిగే ఆటా19వ మహాసభల వేడుకల్లో భాగంగా మేరీల్యాండ్ గవర్నర్ మరియు లెఫ్టినెంట్ గవర్నర్‌లను కలిసి వేడుకలకు రావాల్సిందిగా ఆహ్వానించారు. స్టేట్ కాపిటల్‌లో మేరీల్యాండ్ గవర్నర్ వెస్ మూర్ మరియు లెఫ్టినెంట్ గవర్నర్ అరుణ మిల్లర్‌లను ఆటా నాయకులు కలిశారు. కాన్ఫరెన్స్ కన్వీనర్ శ్రీధర్ బనాల, ట్రస్టీల బోర్డు సభ్యుడు రామ్ మట్టపల్లి మరియు కో-ఆర్డినేటర్ జీనాథ్ కుందూర్ కూడా ఈ బృందంలో ఉన్నారు. మేరీల్యాండ్‌లో నిర్వహించనున్న మొదటి జాతీయ తెలుగు సదస్సు కోసం కాన్ఫరెన్స్ ప్రణాళికలు మరియు సన్నాహాల గురించి ఆటా బృందం గవర్నర్ మరియు లెఫ్టినెంట్ గవర్నర్‌కు వివరించింది.

మూడు రోజుల ఈ కార్యక్రమంలో దాదాపు 15,000 మంది పాల్గొంటారని వారు తెలిపారు. ఈ సందర్భంగా గవర్నర్ మూర్, లెఫ్టినెంట్ గవర్నర్ మిల్లర్ ఆటా నాయకులు చేస్తున్న సేవా కార్యక్రమాలను అభినందించారు, ఈ మహాసభలకు తమవంతుగా మద్దతు అందజేస్తామన్నారు. ఈ వేడుకలు వస్తామని కూడా వారు పేర్కొన్నారు. ఈ మహాసభల్లో వారితోపాటు పలువురు అధికారులు కూడా పాల్గొంటారని భావిస్తున్నట్లు ఆటా నాయకులు తెలిపారు.

Click here for Photogallery