Spirit: స్పిరిట్ షూటింగ్ పై లేటెస్ట్ అప్డేట్
- Published By: Sravani
- March 2, 2026 / 08:50 PM IST
పాన్ ఇండియా స్టార్ ప్రభాస్(prabhas) హీరోగా, సంచలన డైరెక్టర్ సందీప్ రెడ్డి వంగా(Sandeep reddy vanga) తెరకెక్కిస్తున్న భారీ యాక్షన్ డ్రామా స్పిరిట్(Spirit) ప్రస్తుతం దేశవ్యాప్తంగా భారీ అంచనాలు రేకెత్తిస్తోంది. గతేడాది చివర్లో అధికారికంగా షూటింగ్ ప్రారంభమైన ఈ ప్రాజెక్ట్కు ప్రస్తుతం స్వల్ప విరామం లభించింది. అయితే ఇది ఎలాంటి అనూహ్య కారణాల వల్ల కాదు. డైరెక్టర్ సందీప్ వంగా నటీనటుల ఎంపిక, కీలక సాంకేతిక నిపుణుల ఫైనలైజేషన్, స్క్రిప్ట్ ఫైన్ ట్యూనింగ్ లాంటి ప్రీప్రొడక్షన్ పనుల్లో పూర్తిగా నిమగ్నమై ఉండటమే ఈ బ్రేక్కు ప్రధాన కారణమని సమాచారం. భారీ స్థాయిలో తెరకెక్కుతున్న ఈ సినిమాని అత్యున్నత ప్రమాణాలతో రూపొందించాలనే ఉద్దేశంతో ప్రతి అంశంపై ప్రత్యేక శ్రద్ధ తీసుకుంటున్నారు.
ఇవి కూడా చదవండి
ఇక మరోవైపు ప్రభాస్ తన ఇతర కమిట్మెంట్స్తో బిజీగా ఉన్నాడు. ముఖ్యంగా ఫౌజీ(Fauzi)తో పాటు Kalki పార్ట్ 2(Kalki2) పనులను సమాంతరంగా కొనసాగిస్తున్నాడు. అయినప్పటికీ స్పిరిట్ కోసం ప్రత్యేకంగా టైమ్ కేటాయిస్తున్నట్టు తెలిసింది. ఈ సినిమాలో ప్రభాస్ పవర్ఫుల్ పోలీస్ అధికారి పాత్రలో కనిపించనున్నాడు. ఈ రోల్ కోసం ఆయన తన లుక్లో గణనీయమైన మార్పులు తీసుకురావడానికి సిద్ధమయ్యాడు. మరింత ఫిట్గా, ఇంటెన్స్గా కనిపించేందుకు స్ట్రిక్ట్ వర్కౌట్ షెడ్యూల్ను అనుసరిస్తున్నాడని టాక్. సందీప్ వంగా స్టైల్కు తగ్గట్టుగా పాత్రలో లోతైన భావోద్వేగాలు, యాక్షన్ ఎలిమెంట్స్ సమ్మిళితంగా ఉండనున్నాయని సినీ వర్గాల్లో చర్చ జరుగుతోంది.
తాజా అప్డేట్ ప్రకారం స్పిరిట్ నెక్ట్స్ షెడ్యూల్ 2026 మే మొదటి వారంలో ప్రారంభం కానుంది. ఆ తర్వాత ఎలాంటి విరామం లేకుండా నిరంతరంగా షూటింగ్ నిర్వహించాలనే ప్రణాళికలో చిత్ర యూనిట్ ఉన్నట్టు సమాచారం. భారీ బడ్జెట్తో, అంతర్జాతీయ స్థాయిలో నిర్మితమవుతున్న ఈ సినిమాను 2027 మార్చి 5న ప్రపంచవ్యాప్తంగా విడుదల చేయాలని మేకర్స్ టార్గెట్గా పెట్టుకున్నారు. అధికారిక ప్రకటన కోసం అభిమానులు ఆసక్తిగా ఎదురుచూస్తున్నారు.
ఇవి కూడా చదవండి
