ఫుల్ స్పీడులో NBK111
- Published By: Sravani
- May 14, 2026 / 06:45 PM IST
నందమూరి నటసింహం బాలకృష్ణ హీరోగా డైరెక్టర్ గోపీచంద్ మలినేని(Gopichand Malineni) తెరకెక్కిస్తున్న NBK111పై టాలీవుడ్లో అంచనాలు రోజురోజుకీ పెరుగుతున్నాయి. వీరసింహారెడ్డి(Veera simhareddy) తర్వాత ఈ కాంబినేషన్ మళ్లీ రిపీట్ అవుతుండటంతో అభిమానుల్లో ప్రత్యేక ఆసక్తి నెలకొంది. ఇప్పటికే ఈ సినిమా షూటింగ్ కీలక దశకు చేరుకున్నట్లు తెలుస్తుండగా, బాలయ్య(balayya)తో పాటు సముద్రఖని(Samudrakhani) పాల్గొన్న ప్రధాన సన్నివేశాలను చిత్రబృందం ఇటీవల పూర్తి చేసినట్లు సమాచారం. భారీ యాక్షన్, మాస్ ఎలిమెంట్స్తో పాటూ ఎమోషనల్ డ్రామా కూడా ఈ సినిమాలో ప్రత్యేక ఆకర్షణగా ఉండబోతుందని ఇండస్ట్రీ వర్గాలు చెబుతున్నాయి.
ప్రస్తుతం చిత్రబృందం ఓ స్పెషల్ సాంగ్ షూట్లో బిజీగా ఉన్నట్టు ఫిల్మ్ నగర్లో టాక్ వినిపిస్తోంది. ఈ సాంగ్ ను భారీ సెట్లో తెరకెక్కిస్తున్నారని, బాలయ్య స్టైల్కు తగ్గట్టుగా థమన్(Thaman) పవర్ఫుల్ బీట్లు సిద్ధం చేశాడని సమాచారం. ఇదిలా ఉంటే, సినిమాటోగ్రాఫర్ అరవింద్ కశ్యప్(Aravind Kashyap) సెట్స్ నుంచి పంచుకున్న ఫోటో సోషల్ మీడియాలో వైరల్గా మారింది. ఆ ఫోటోలో కనిపించిన మాస్ విజువల్స్ చూసిన అభిమానులు సినిమా స్కేల్పై మరింత ఆసక్తి చూపిస్తున్నారు. ముఖ్యంగా గోపీచంద్ మలినేని మార్క్ కమర్షియల్ ట్రీట్ ఈ సినిమాలో మరోసారి హైలైట్ అవుతుందని సినీ వర్గాలు భావిస్తున్నాయి.
ఇక ఈ సినిమాలో బాలకృష్ణ సరసన కాజల్ అగర్వాల్(Kajal Aggarwal) హీరోయిన్గా నటిస్తుండటం మరో విశేషం. భగవంత్ కేసరి(bhagavanth kesari) తర్వాత ఈ జోడీ మళ్లీ కలిసి నటిస్తుండటంతో ప్రేక్షకుల్లో మంచి క్రేజ్ ఏర్పడింది. ప్రముఖ నిర్మాణ సంస్థ వృద్ధి సినిమాస్(Vriddhi Cinemas) భారీ బడ్జెట్తో నిర్మిస్తున్న ఈ సినిమా కోసం హై టెక్నికల్ స్టాండర్డ్స్ ఉపయోగిస్తున్నారని తెలుస్తోంది. త్వరలోనే టైటిల్, టీజర్కు సంబంధించిన అప్డేట్స్ వచ్చే అవకాశమున్నాయని టాక్.
