ప్రవాస భారతీయులకు తీపి కబురు … యూపీఐతో రోజుకు లక్ష

 ప్రవాస భారతీయులకు (ఎన్నారైలు) నేషనల్‌ పేమెంట్స్‌ కార్పొరేషన్‌ ఆఫ్‌ ఇండియా (ఎన్‌పీసీఐ) తీపి కబురు అందించింది. నాన్‌ రెసిడెంట్‌ ఆర్డినరీ (ఎన్‌ఆర్‌ఈ), నాన్‌ రెసిడెంట్‌ ఆర్డినరీ ( ఎన్‌ఆర్‌వో) ఖాతాలున్న ఎన్నారైలు యూనిఫైడ్‌ పేమెంట్స్‌ ఇంటర్‌ఫేస్‌ (యూపీఐ) ద్వారా ఇక నుంచి రోజుకు రూ.లక్ష వరకు భారత్‌లోని తమ కుటుంబ సభ్యులు, ఇతర చెల్లింపులకు నగదు పంపించవచ్చు. అంటే ఎన్నారైలు ఇక నుంచి అంతర్జాతీయ మొబైల్‌ నంబర్‌ను ఉపయోగించి నేరుగా వారి స్మార్ట్‌ఫోన్‌ నుండి ఉచిత లావాదేవీల కోసం యూపీఐని ఉపయోగించవచ్చు. తద్వారా విదేశాల నుండి లావాదేవీలను నిర్వహించడం మరింత  సౌకర్యవంతంగా ఉంటుంది. యూఎస్‌, కెనడా, యూకే, యూఏఈ, సింగపూర్‌, ఆస్ట్రేలియా, ఫ్రాన్స్‌, హాంగ్‌కాంగ్‌, మలేషియా,  ఒమన్‌, ఖతార్‌, సౌదీ అరేబియాలోని ఎన్నారైలకు ఈ సౌకర్యం వర్తిస్తుంది. కొత్తగా నమోదైన యూపీఐ ఐడీల ద్వారా తొలి 24 గంటల్లో రూ.5,000 మాత్రమే పంపేందుకు వీలుంది. ఆ తర్వాతి రోజు నుంచి రోజుకు రూ.1 లక్ష పంపొచ్చు.