Intel: ఇంటెల్‌ షాకింగ్‌ నిర్ణయం…  20 శాతం ఉద్యోగులపై వేటు!

ప్రపంచవ్యాప్తంగా టెక్‌ ఉద్యోగాల (Tech Jobs)  కోత కొనసాగుతున్నది. ఈ ఏడాది ఇప్పటివరకు సుమారు 100 కంపెనీలు 27 వేల మందికిపైగా ఉద్యోగులపై వేటు వేశాయి. తాజాగా చిప్‌ తయారీ కంపెనీ ఇంటెల్‌ (Intel) సైతం ఉద్యోగుల తొలగింపునకు సిద్ధమైనట్లు తెలిసింది.  గత మార్చిలో ఇంటెల్‌ కొత్త సీఈఓగా లిప్‌ బు టాన్‌ (Lip Bu Tan) బాధ్యతలు స్వీకరించిన విషయం తెలిసిందే. ఆయన ఆధ్వర్యంలో భారీ పునర్వ్యవస్థీకరణ చేపడుతున్న ఇంటెల్‌, తన ఉద్యోగుల్లో(Employees)  20 శాతానికి పైగా తొలగించాలని యోచిస్తోంది. ఈ వారంలోనే లేఆఫ్స్‌ (Layoffs) పై ప్రకటన చేయనున్నట్లు తెలిసింది. ఎంతమంది ఉద్యోగులపై ఈ ప్రభావం పడనుందన్నది తెలియరాలేదు. తాజా నివేదికతో సంస్థలోని ఉద్యోగుల్లో లేఆఫ్స్‌ గుబులు పట్టుకుంది. ఎప్పుడు ఎలాంటి వార్త వినాల్సి వస్తుందోనని భయంతో వణికిపోతున్నారు.