Bhattacharya : అమెరికా ఎన్‌ఐహెచ్‌ డైరెక్టర్‌గా భారతీయ అమెరికన్‌

అమెరికా వైద్య పరిశోధనలను పర్యవేక్షించే నేషనల్‌ ఇన్‌స్టిట్యూట్స్‌ ఆఫ్‌ హెల్త్‌ ( ఎన్‌ఐహెచ్‌) డైరెక్టర్‌గా భారతీయ అమెరికన్‌ శాస్త్రవేత్త, స్టాన్‌ఫర్డ్‌ యూనివర్సిటీ (Stanford University ) హెల్త్‌ పాలసీ ప్రొఫెసర్‌ జయ్‌ భట్టాచార్య (Jay Bhattacharya)  నియమితులయ్యారు. డొనాల్డ్‌ ట్రంప్‌ (Donald Trump)  రెండో దఫా అమెరికా అధ్యక్షుడిగా ఎన్నికైన తర్వాత గతేడాది నవంబరులో ఎన్‌ఐహెచ్‌ 18వ డైరెక్టర్‌గా భట్టాచార్యను నామినేట్‌ చేశారు. 53-47 ఓట్లతో ఆయన నియామకాన్ని యూఎస్‌ సెనేట్‌ ధ్రువీకరించింది. భట్టాచార్య స్టాన్‌ఫర్డ్‌ యూనివర్సిటీ నుంచి ఆర్థికశాస్త్రంలో ఎండీ (MD), పీహెచ్‌డీ (PhD)  పట్టాలు పొందారు.