Asia Cup: ఆసియా కప్ విజేతగా భారత్-ఏ.. వరుసగా రెండోసారి టైటిల్ కైవసం!
- Published By: Phanindra
- February 23, 2026 / 08:16 AM IST
మహిళల క్రికెట్లో భారత యువ జట్టు మరోసారి తమ ఆధిపత్యాన్ని చాటుకుంది. ప్రతిష్టాత్మకమైన ‘మహిళల ఆసియా కప్ రైజింగ్ స్టార్స్’ (Asia Cup) టోర్నీలో భారత్ ‘ఏ’ జట్టు వరుసగా రెండోసారి విజేతగా నిలిచి చరిత్ర సృష్టించింది. బ్యాంకాక్ వేదికగా ఆదివారం జరిగిన హై-వోల్టేజ్ ఫైనల్ పోరులో బంగ్లాదేశ్ ‘ఏ’ జట్టును 46 పరుగుల తేడాతో చిత్తు చేసిన భారత్.. ఆసియా ఖండంలో తామే మేటి అని నిరూపించుకుంది. 2023లో తొలి టైటిల్ గెలుచుకున్న టీమిండియా.. ఇప్పుడు అదే జోరును కొనసాగిస్తూ ట్రోఫీని నిలబెట్టుకుంది.
ఆరంభంలో తడబడినా..
టాస్ గెలిచి తొలుత బ్యాటింగ్ (Asia Cup) ఎంచుకున్న భారత్ ‘ఏ’ జట్టుకు ఆదిలోనే గట్టి షాక్లు తగిలాయి. బంగ్లాదేశ్ బౌలర్లు కట్టుదిట్టంగా బౌలింగ్ చేయడంతో భారత టాప్-4 బ్యాటర్లు వరుసగా పెవిలియన్కు క్యూ కట్టారు. ఒక దశలో 44 పరుగులకే 4 కీలక వికెట్లు కోల్పోయి భారత్ పీకల్లోతు కష్టాల్లో పడింది. అటువంటి క్లిష్ట సమయంలో తేజాల్ హసబ్నిస్ అద్భుతమైన ఇన్నింగ్స్తో జట్టును ఆదుకుంది. ఒత్తిడిని దరిచేరనీయకుండా ఆడిన తేజాల్ కేవలం 34 బంతుల్లోనే 51 పరుగులు సాధించి అజేయంగా నిలిచింది. ఆమెకు కెప్టెన్ రాధ యాదవ్ (36) చక్కటి సహకారం అందించింది. వీరిద్దరి వీరోచిత పోరాటంతో భారత్ నిర్ణీత 20 ఓవర్లలో 7 వికెట్ల నష్టానికి 134 పరుగుల గౌరవప్రదమైన స్కోరు (Asia Cup) చేయగలిగింది.
ఇవి కూడా చదవండి
బౌలర్ల ధాటికి కుప్పకూలిన బంగ్లాదేశ్..
అనంతరం 135 పరుగుల మోస్తరు లక్ష్యంతో (Asia Cup) బరిలోకి దిగిన బంగ్లాదేశ్ ‘ఏ’ జట్టుకు భారత బౌలర్లు చుక్కలు చూపించారు. భారత బౌలర్ల ధాటికి బంగ్లా బ్యాటర్లు క్రీజులో నిలదొక్కుకోలేకపోయారు. ఆ జట్టులో షమిమా సుల్తానా చేసిన 20 పరుగులే అత్యధిక స్కోరు అంటే భారత బౌలింగ్ ఏ స్థాయిలో ఉందో అర్థం చేసుకోవచ్చు. భారత బౌలర్లలో ప్రేమ రావత్ 3 వికెట్లతో చెలరేగగా.. తనూజ, సోనియా చెరో 2 వికెట్లతో బంగ్లా పతనాన్ని (Asia Cup) శాసించారు. క్రమశిక్షణతో కూడిన బౌలింగ్, అద్భుతమైన ఫీల్డింగ్తో భారత్ ప్రత్యర్థిని 19.1 ఓవర్లలో కేవలం 88 పరుగులకే భారత్ ఆలౌట్ చేసింది.
తక్కువ స్కోరును కాపాడుకోవడంలో భారత బౌలర్లు చూపిన తెగువ అభిమానులను ఎంతగానో ఆకట్టుకుంది. బ్యాటింగ్లో తేజాల్ మెరుపులు, బౌలింగ్లో ప్రేమ రావత్ విన్యాసాలు భారత్కు అపురూప విజయాన్ని అందించాయి. వరుసగా రెండోసారి ఆసియా కప్ (Asia Cup) గెలవడం పట్ల భారత క్రికెట్ అభిమానులు హర్షం వ్యక్తం చేస్తున్నారు. ఈ విజయం భారత మహిళా క్రికెట్ భవిష్యత్తుపై మరింత ఆశలను పెంచింది.
ఇవి కూడా చదవండి
