Vanpick :తెలంగాణ హైకోర్టులో వాన్‌పిక్‌కు చుక్కెదురు

వైఎస్‌ జగన్‌ (YS Jagan ) అక్రమాస్తుల కేసులో సీబీఐ ఛార్జ్‌షీట్‌ నుంచి తమ సంస్థ పేరును తొలగించాలంటూ వాన్‌పిక్‌ దాఖలు చేసిన పిటిషన్‌ను తెలంగాణ హైకోర్టు (High Court)  కొట్టివేసింది. గతంలో వాన్‌పిక్‌ (Vanpick) పేరును సీబీఐ తన ఛార్జ్‌షీట్‌లో  చేర్చింది.  ప్రస్తుతం ఈ కేసు నాంపల్లి సీబీఐ (CBI)  కోర్టులో విచారణలో ఉంది. అయితే, 2022 జులైలో  వాన్‌పిక్‌ ప్రాజెక్ట్‌ పిటిషన్‌ను హైకోర్టు అనుమతించింది. ఉన్నత న్యాయస్థానం ఉత్తర్వులను సుప్రీంకోర్టు (Supreme Court) లో  సీబీఐ సవాల్‌ చేసింది. తమ వాదనలను పరిగణనలోకి తీసుకోకుండా వాన్‌పిక్‌ ప్రాజెక్ట్‌ పిటిషన్‌ను అనుమతించారని వాదించింది. సీబీఐ వాదనలను పరిగణనలోకి తీసుకున్న సర్వోన్నత న్యాయస్థానం మరోసారి  పిటిషన్‌ను విచారించాలని హైకోర్టును ఆదేశించింది. ఈ నేపథ్యంలో మరోసారి వాన్‌పిక్‌ ప్రాజెక్టుపై వాదనలు విన్న ఉన్నత న్యాయస్థానం పిటిషన్‌ను కొట్టివేసింది.