Daily Walking: ఆరోగ్యకరమైన జీవనానికి నడక మంత్రం..రోజుకు ఎంతసేపు నడవాలి? నిపుణుల సూచనలు ఇవే!

హైదరాబాద్:  నేటి ఉరుకుల పరుగుల జీవితంలో ఆరోగ్యాన్ని కాపాడుకోవడానికి ‘నడక’ అత్యంత సులభమైన, ప్రభావవంతమైన మార్గం. అయితే, నడక వల్ల పూర్తి ప్రయోజనాలు పొందాలంటే ఎంతసేపు నడవాలి, ఏ పద్ధతులు పాటించాలనే అంశాలపై ఆరోగ్య నిపుణులు పలు సూచనలు చేస్తున్నారు.

నడక వ్యవధి ఎంత ఉండాలి?
సాధారణ ఆరోగ్య పరిరక్షణ కోసం వారంలో కనీసం ఐదు రోజులు, రోజుకు 30 నిమిషాల పాటు నడవాలని నిపుణులు సిఫార్సు చేస్తున్నారు. అంటే వారానికి కనీసం 150 నిమిషాల నడక అవసరం. మరింత మెరుగైన ఫలితాలు ఆశించే వారు తమ నడక సమయాన్ని రోజుకు 45 నుండి 60 నిమిషాలకు పెంచుకోవచ్చు. వారానికి 300 నిమిషాలు (సుమారు 5 గంటలు) చురుకుగా ఉండటం వల్ల గుండె సంబంధిత సమస్యలు దరిచేరవు.

సరైన పద్ధతులు – జాగ్రత్తలు: నడక కేవలం అడుగులు వేయడం మాత్రమే కాదు, దానికి కొన్ని నియమాలు ఉన్నాయి.

వార్మ్-అప్, కూల్-డౌన్: నడక ప్రారంభించే ముందు లెగ్ స్వింగ్స్ వంటి వార్మ్-అప్ వ్యాయామాలు, ముగిసిన తర్వాత కూల్-డౌన్ స్ట్రెచ్‌లు చేయడం వల్ల కండరాల నొప్పులు, గాయాల ముప్పు తగ్గుతుంది.

సరైన పాదరక్షలు: కీళ్ల సమస్యలు రాకుండా ఉండాలంటే పాదాలకు సరిగ్గా సరిపోయే నాణ్యమైన షూస్ ధరించడం ముఖ్యం.

క్రమబద్ధత: ఏదో ఒక రోజు ఎక్కువ దూరం నడవడం కంటే, ప్రతిరోజూ క్రమం తప్పకుండా నడవడమే శరీరానికి మేలు చేస్తుంది.