సీఎం రేవంత్ రెడ్డిని జైల్లో ఎందుకు వేయకూడదు?: కేటీఆర్

తెలంగాణ సీఎం రేవంత్ రెడ్డి ఓ ఫేక్ న్యూస్ పెడ్లర్ అంటూ బీఆర్ఎస్ వర్కింగ్ ప్రెసిడెంట్ కేటీఆర్ ధ్వజమెత్తారు. సీఎం రేవంత్ రెడ్డిని జైల్లో ఎందుకు పెట్టకూడదో చెప్పాలంటూ ప్రశ్నించారు. శుక్రవారం నాడు రేవంత్ రెడ్డిపై ఎక్స్ వేదికగా ఫైర్ అయిన కేటీఆర్..  ‘నా బంధువుకు వేల కోట్ల కోవిడ్ డ్రగ్ కాంట్రాక్ట్ వచ్చిందని సీఎం రేవంత్ రెడ్డి నాపై సిగ్గు లేకుండా అబద్ధపు ఆరోపణలు చేస్తున్నాడు. సచివాలయంలో నిజాం ఆభరణాలను నేను తవ్వినట్లు రేవంత్ రెడ్డి అనే జోకర్ నకిలీ కథనాలను సృష్టిస్తున్నాడు. కేంద్ర హోంమంత్రి అమిత్ షా ఫేక్ వీడియోను సర్క్యులేట్ చేయించిన వ్యక్తి  రేవంత్ రెడ్డి. సీఎం హోదాలో ఉండి ఉస్మానియా యూనివర్సిటీ ఫేక్ సర్క్యులర్ పోస్ట్ చేశాడు. ఓ రాష్ట్రానికి సీఎం అయి ఉండి ఇలా తప్పుడు ఆరోపణలు, ప్రచారాలు చేస్తున్న వ్యక్తిని జైల్లో పెట్టొద్దా?’’ అంటూ నిప్పులు చెరిగారు.