ప్రపంచంలోనే మన హైదరాబాద్ ఆదా రెస్టారెంట్‌ కు .. మూడో స్థానం

ప్రపంచంలోనే అత్యుత్తమ రెస్టారెంట్ల జాబితాలో హైదరాబాద్‌ రెస్టారెంట్‌ చోటు దక్కించుకుంది. టాప్‌ 1000 రెస్టారెంట్లలో ఒకటిగా ఫలక్‌ నుమా ఫ్యాలెస్‌లోని ఆదా రెస్టారెంట్‌ నిలిచింది. ఫ్రాన్స్‌కు చెందిన రెస్టారెంట్‌ గైడ్‌ అండ్‌ ర్యాంకింగ్‌ కంపెనీ లా లిస్టే ఈ జాబితాను విడుదల చేసింది. ఇందులో మన భారతీయ నగరాలకు చెందిన రెస్టారెంట్లు కూడా ఉన్నాయి. ఈ జాబితా ప్రకారం మన దేశంలో అత్యుత్తమ రెస్టారెంట్‌గా ఢిల్లీలోని ఇండియన్‌ యాక్సెంట్‌ నిలిచింది. ఈ రెస్టారెంట్‌ కు లా లిస్టే 95 పాయింట్లు ఇచ్చింది. ఆ తర్వాత 86 పాయింట్లతో బెంగళూరులోని కరావల్లి రెస్టారెంట్‌ రెండో స్థానంలో 84 పాయింట్లతో హైదరాబాదీ ఆదా మూడో స్థానంలో నిలిచాయి. హైదరాబాదీ వంటకాలకు అత్యంత ప్రసిద్ధి పొందిన రెస్టారెంట్‌ ఆదా ఈ జాబితాలో చోటు సంపాదించుకుంది. అమెరికాకు చెందిన లే బెర్నార్డిన్‌ రెస్టారెంట్‌ సహా ప్రపంచంలోని మొత్తం ఏడు రెస్టారెంట్లు 99.5 పాయింట్లతో మొదటి స్థానంలో నిలిచాయి.